Jɔ̀ɔŋ 13:18 - WƆŊ FƐ̀Ì EBÒ SÌÀŊ DAYÀA

¹⁸ “Miŋ fè gbuuye wèè nyɛ̀iŋ nààŋ gbiŋ. Kà nyìmàŋ aŋ yè nyaŋ mìŋ naŋ tàeɗùù nyaŋ. Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ. Wɔ̀ŋ naŋ woò wààŋ, ‘Wo felaaà wo yèɔ yà wuuŋ tìyèe è yaà jììyè e nɛ̀ŋje koɓɛ̀ guùŋ wɔ wò kìlà wo jooim!’

Jɔ̀ɔŋ 13:18 ပူးပေါင်းရင်းမြစ်များ

Maafiù 10:36

Aŋ jòò sɛ̀tanàum nyàŋ do nàŋ fòlò ke kpòò muàŋ biɛ̀ sùà.

Maafiù 26:21

E teengaà àŋ yaà wa jììyè nɛ̀ŋ lɛ, wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miŋ woòiŋ e tɔɔɓaaà kɛ̀ nyɛ̀iŋ nyɛɛ̀ŋ bà guùŋ doim nàŋ maàŋ.”

Maafiù 26:23

Wo Jisɛ̀ naŋ nyiŋ woò wààŋ, “È do nàŋ nɔ̀ŋ nyɛ̀iŋ nyɛɛ̀ŋ bà guùŋ. Yàwiuŋ tìyèe kòò è yaà jììyè nɛ̀ŋ ko gɛ̀ì gunìiŋ.

Luù 22:21

“Kɛɛ yɛ̀mɛìŋ kià! Wo nyùnɔ̀ɔŋ doim nàŋ maàŋ wɔ kòò wò yaà kià è yààìŋ jììyè nɛ̀ŋje koɓɛ̀ guùŋ!

Jɔ̀ɔŋ 13:21

Nààŋ wo Jisɛ̀ naŋ wa tɛɛ̀ woò, ke jìì sɛ̀ɛ̀ e keì nyìnga gbee nauŋ kùwò wo jinàaŋ sùà, yèè wò naŋ wòò anyùùŋ màŋjɛ̀wɛ̀wuŋ nyàŋ wààŋ, “Miŋ woòiŋ e tɔɔɓaaà kɛ̀ nyɛ̀iŋ nyɛɛ̀ŋ bà guùŋ doim nàŋ maàŋ.”

Jɔ̀ɔŋ 13:22

E keì bi naŋ wa dììyè anyùùŋ màŋjɛ̀wɛ̀ nyaŋ maŋ jii kɛ̀ ɓòò wò sɔ̀à wa.

Jɔ̀ɔŋ 13:26

Wo Jisɛ̀ naŋ fasàì wààŋ, “Mìŋ do nàŋ dè ke gbɔ̀u yɛɛ̀ ko gɛ̀yiì yèè ka nyiŋ kìɛ̀ŋ wo nyùnɔ̀ɔŋ mìŋ sɔ̀à wɔ.” Kpeiŋ wo Jisɛ̀ naŋ dè ke gbɔ̀uɛ̀ ko gɛ̀yiì yèè wò naŋ nyiŋ kìɛ̀ŋ wo Juɗà, wo jɔ̀àfèlàà Saimɔŋ Àkaaliɔ̀ɔ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:19

Sèè nìŋ nɔ̀ŋ mààŋ anyùùŋ nyaŋ e ɗuunyaàŋ, kɛ̀ àŋ doiŋ nàŋ mɔ̀nɔ̀ŋ màànààŋ nɔŋ àŋ manaŋ aŋ jɔ̀à nyiŋ nyàŋ lɛ. Kɛɛ miàŋ naiŋ wa tàeɗùù e yìwìà anyùùŋ nyaŋ tɛɛ e ɗuunyaŋ lɛɛ̀ sùà, wèè kɛ̀ niŋ go nàŋ nɔ̀ŋ mààŋ anyùùŋ nyaŋ e ɗuunyaŋ lɛɛ̀. Yèè nààŋ niŋ fè àŋ bà nyiŋ bà, esaɓùɛ lɛɛ̀ àŋ naiŋ wùɔ̀ŋ.

Jɔ̀ɔŋ 15:25

Tɛɛ̀ naŋ nyɛ̀nɛ̀ŋ è naŋ hɛɛnɛ̀ŋ nààŋ è yaà sìnga niŋ wɔŋ fɛ̀ì maŋ sàwà nyiŋ nɔɔ̀ŋ sùà kɛ̀, ‘Anyùùŋ naim wa wùɔ̀ŋ wèè foo.’

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 19:24

Yèè aŋ kààlòòɗùà nyaŋ naŋ wòò nyiŋ bi e fèemàŋ nyààŋ, “Ɓɔ̀ è sɛ̀ɛ̀iŋ wuŋ. Dàà wììŋ ke kpɔlɔ wèè e yɛmɛ̀iŋ sèè mààŋ ɓòò nàŋ do wuŋ nàŋ kɔɔ̀.” Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ nààŋ è yaà sìnga niŋ lɛ kɛ̀, “Àŋ naŋ gòònò maŋ dèè kɔɔim màŋ e fèemàŋ nyiŋ nɛ̀ yèè àŋ naŋ dàà ke kpɔlɔ wèè wɔŋ dèèɔ mìŋ gbiɛŋ gbààì wɔŋ.” Yèè tɛɛ̀ aŋ kààlòòɗùà nyaŋ naŋ wa nyɛ̀nɛ̀ŋ.

Jɔ̀ɔŋ 19:36

Maŋ keì mɛɛ̀ŋ naŋ wa kaaìŋ wèè e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ kɛ̀, “Ke goàuŋ nɛɛ̀ŋ bà guùŋ pɛɛ ke naàŋ wa nàwèè nyime.”

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 1:2

e jèèsùà e hàì ke ɗɔɔɛ̀ wo Dayà nauŋ wa jùwìè ko àìjɛnɛ̀ŋ lɛ. Wèè paŋ wo nɔ̀ŋ wa jòòwouŋ, wo kanaà Jisɛ̀ naŋ wa wòò maŋ mìè gbòa e yìwìà e gààŋ wo Jìnàŋ Nɛɛmaàŋ sùà koɓɛ̀ aŋ keela tàeɗùùuŋ nyàŋ wò naŋ jàà e ɓula titi nyàŋ wèè e nɛ̀ɛŋ àŋ kuwa wa aŋ nyɛ̀nɛ̀ŋ lɛ.

2 Kɔliìŋ 4:5

E fè wòò è kèè yàwi bi, è yààìŋ wòò e kèè Jisɛ̀ Kulaì mààŋ wo Kana, yèè e wèè yàwi, mààŋ aŋ ɓɔìjɔ̀àiŋ nyàŋ esàɓù Jisɛ̀ Kulaì sùà.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.