Jɔ̀ɔŋ 13:16 - WƆŊ FƐ̀Ì EBÒ SÌÀŊ DAYÀA

¹⁶ Miŋ woòiŋ e tɔɔɓaaà kɛ̀, aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ, e kìlà aŋ keela kuwà è gààŋ àŋ do nìàŋ wò nyùnɔ̀ɔŋ naŋ nyiŋ tùɔ̀ŋ wɔ.

Jɔ̀ɔŋ 13:16 ပူးပေါင်းရင်းမြစ်များ

Luù 6:40

Aŋ kààjɔa gbiŋ kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ. Kɛɛ sèè aŋ kààjɔa aŋ gbeè e kìlà aŋ kpɛ̀ɛ̀yɛ̀ e gɔ̀ɔ̀yɛ nyiŋ nɛ̀, àŋ do nàŋ nɔ̀ŋ mààŋ wo kààmɔɔŋ nyiŋ nɔɔ̀ŋ.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Jɔ̀ɔŋ 3:5

Wo Jisɛ̀ naŋ fasaì wààŋ, “Miŋ woòum e tɔɔɓaaà kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò bàuŋbà è Kànà Dayàa sùà sèè wo gò nɔ̀ŋ kòmauŋ e yìwìà è wùìyè yaà wo Jìnàŋ wo Kanaà Dayà.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.