Jɔ̀ɔŋ 12:6 - WƆŊ FƐ̀Ì EBÒ SÌÀŊ DAYÀA

⁶ E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Jɔ̀ɔŋ 12:6 ပူးပေါင်းရင်းမြစ်များ

Maafiù 21:13

Yèè wò naŋ nyiŋ tɔ̀ɔ̀tù kàa wààŋ, “È yaà wa sìnga niŋ wɔŋ fɛ̀ì Dayàa sùà kɛ̀, wo Dayà naŋ woò wààŋ, ‘Àŋ do nàŋ nyààŋ ke saaŋ miɛ̀ŋ ke Saaŋ Zòòlò Dayàa.’ Kɛɛ nào mììnè ko nyɛ̀ɛ̀nɛ̀ŋ aŋ nyuùŋ wùà!”

Luù 8:3

Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Jɔ̀ɔŋ 10:13

Aŋ ɓɔìjɔ̀à tòmo nyàŋ duɔŋ aŋ nyiŋ jòà esaɓù kɛ̀ aŋ gò kpɛɛ̀ŋ weè aŋ ɓaawaa nyàŋ.

Jɔ̀ɔŋ 12:5

“Kiìŋ naŋ gè maŋ kuùmàì maŋ pɔ̀ɔ̀pɔɔ? Wò miŋ weè ɓɛ̀nɛ̀ŋ màaŋ wo yɛ̀mɛ̀ e nɛɛnɛŋ e nìàŋ e yèɛ wo nyùùŋ guùŋ wò yɛmɛ̀ wɔŋ doaà sùà lɛ wèè e jìwààjɛ̀wɛ̀ e tòmouŋ nɛ̀ wo niŋ kìɛ̀ŋ koɓɛ̀ anyuùŋ pɔ̀ɔ nyàŋ!”

Jɔ̀ɔŋ 13:29

Kɛɛ nààŋ wo Juɗà nàŋ yaà wa wo nyuùŋ bànè e sùlò nɛɛnɛɛ̀ŋ hàa, anyùùŋ màŋjɛ̀wɛ̀ nyaŋ bà nyiŋ naŋ wa gongò kɛ̀ wo Jisɛ̀ nauŋ wa woò wèè wo ka wo dènàŋ e nɛ̀ŋ bà wèè wɔŋ ɗaaà, ɔ̀ɔ̀ wèè wo ka wa wo kiɛ̀ŋ e nɛ̀ŋ koɓɛ̀ anyuùŋ pɔ̀ɔ nyàŋ.

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

Gàla 2:10

Àŋ naŋ wi wa nɔŋ dawè wèè eiŋ jàà anyùùŋ pɔ̀ɔ nyàŋ jii ke gboò nyiŋ nɛɛ̀ŋ sùà, yèè tɛɛ̀ nàŋ yaà e keìɛ è naŋ wa gongò wèè eiŋ nyɛ̀nɛ̀ŋ lɛ̀.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.

Jìiiŋ 2:2

Sèè wo nyuùŋ bàne hnàŋ ko sààŋ zòòloiŋ niìŋ wò naŋ gɔ̀à maŋ deè sìàŋ yèè wò naŋ sìè ke gòoò ɗiìŋ kùàŋ, kpeiŋ wo nyuùŋ pɔ̀ɔ wuŋ pɛɛ wo hnàŋ wò yaà maŋ deè kɔ̀li sùà.

Jìiiŋ 2:6

Kɛɛ màŋ pɔ̀ɔ̀ wo nyuùŋ kòmàŋ ke nuùɔŋ ɓɛ̀ɛ! Anyuùŋ bàne nyàŋ kùwòìŋ naanààŋ àŋ gɔ̀ɛ̀ìŋ dìì maŋ zɛ̀mɛ̀ɛ̀ŋ keì wòo dìì.