Jɔ̀ɔŋ 12:47 - WƆŊ FƐ̀Ì EBÒ SÌÀŊ DAYÀA

⁴⁷ Miàŋ nààŋ naàŋ gbàì ànyùùŋ nyaŋ naŋ gè màŋhɛɛ wèè aŋ hààwè kè miè gbìaàŋ mìŋ naŋ nyiŋ woò lɛ. Mìŋ naŋ hnè wèè ka jòèyè anyùùŋ e ɗuunyaŋ lɛɛ̀, kɛɛ miŋ gò hnàŋ wèè ka nyiŋ gbaì.

Jɔ̀ɔŋ 12:47 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:11

Esaɓù kɛ̀ miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka jòèyè anyùùŋ nyaŋ naŋ go nyàŋ.]

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 9:56

Yèè wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko vàa joo bà.

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 5:45

Ɓɔ̀ nìŋ gongò kɛ̀, miàŋ nàŋ do wa nàwèè nàŋ wòò wo Dèda miɔ̀ŋ kɛ̀ nìŋ naŋ nyɛ̀nɛ̀ŋ maŋ keì naanààŋ. Wo Mòòze wo yèɔ nìŋ kuwa jii tùlia kɛ̀ wò doiŋ wa nàwèè nàŋ kpuumò wɔ, wuŋ nàŋ doiŋ wa nàwèè nàŋ jàà e keì ɗì.

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.