Jɔ̀ɔŋ 12:40 - WƆŊ FƐ̀Ì EBÒ SÌÀŊ DAYÀA

⁴⁰ “Wo Dayà naŋ wa nyɛ̀nɛ̀ŋ le fɛ̀ɛ̀ anyùùŋ e ziilè, yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ. Wo Dayà naŋ wa tɛɛ̀ nyɛ̀nɛ̀ŋ wèè kɛ̀ anyùùŋ nyaŋ go wa nàŋ yɛ̀mɛ̀ dìì, ɔ̀ɔ̀ wèè kɛ̀ aŋ go wa nàŋ nyìmè e keì gbiŋ e fèemàŋ, yèè wo Dayà wààŋ wèè aŋ go wa nàŋ kìlè ko nɛ̀ɛ̀uŋ niìŋ, wèè wo nyiŋ jùùyà hakɛ̀.”

Jɔ̀ɔŋ 12:40 ပူးပေါင်းရင်းမြစ်များ

Maafiù 15:14

Ɓɔ̀ nìŋ gongò è kii nyiŋ! Àŋ yaà aŋ ɓɛ̀màŋɗì zììlè le fɛ̀ɛ̀ wèè anyuùŋ zììlè le fɛ̀ɛ̀ nyaŋ. Yèè sèè wo nyuùŋ zììlè le fɛ̀ɛ̀ wo sìè wo dàwiuŋ nɔɔ̀ŋ feìŋ wèè wouŋ koà, nyiŋ tìyèe àŋ do nàŋ sɛ̀ɛ̀ ko golo.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 8:10

Wo Jisɛ̀ naŋ nyiŋ woò wààŋ, “Kàiŋ nyɛ̀nɛ̀ŋ nàŋ nyìmàŋ ke gbùnù e Kànà Dayàa. Kɛɛ sèè è nɔ̀ŋ wèè aŋ gbànaŋ nyàŋ, esaɓùɛ mìŋ gbuuyà nyiìŋ maŋ kàɓanè sùà lɛ nàŋ yaà kɛ̀, aŋ pɛɛ yɛmɛ yɛ̀mɛ̀, aŋ fè niŋ yɛmɛ̀, àŋ do jàà maŋ nùŋ dìì, kɛɛ aŋ naàŋ nyìmè kɛ̀ kiìŋ è naŋ fasàì.”

Jɔ̀ɔŋ 12:39

Yèè weètii anyùùŋ nyaŋ gò wa ɓɛ̀nɛ̀ŋ kɛ̀ɛ̀nɛ̀ŋ è hààwe wo Jisɛ̀ sùà esaɓù kɛ̀, wo wɛ̀ijìɔ Àzaayà naŋ niŋ wa woò. Wo Àzaayà naŋ ɓɛìŋ woò wààŋ,

Jɔ̀ɔŋ 9:39

Yèè wo Jisɛ̀ naŋ woò wààŋ, “Mìŋ naŋ hnè e ɗuunyaŋ lɛɛ̀ wèè ka gbàì anyùùŋ nyaŋ. Mìŋ naŋ hnè wèè ka nyɛ̀nɛ̀ŋ wo nyuùŋ zììlè le fɛ̀ɛ̀ɔ wo yɛ̀mɛ̀ dìì, yèè wèè ka nyɛ̀nɛ̀ŋ wo nyùnɔ̀ɔŋ yɛmɛ̀ dìì wɔ wo zììlè le fɛ̀ɛ̀.”

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 28:26

wèè wo woò aŋ nèwàènèwe wi nyàŋ wààŋ, ‘Kɔ̀à koɓɛ̀ anyùùŋ nyɛɛ̀ŋ muŋ woò nyiŋ mààŋ, “Nìŋ do nàŋ jàà maŋ nùŋ dìì, naŋ jàà maŋ nùŋ dìì, kɛɛ niŋ naàŋ nyìmè. Mùŋ do nàŋ jàà fɛ̀ɛ̀ dìì, maŋ jàà fɛ̀ɛ̀ dìì, kɛɛ muŋ naàŋ yɛ̀mɛ̀ è nɛ̀ŋ gbiŋ.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Luùm 9:18

Weètii wo Dayà tɔɔ̀ ke nyowo koɓɛ̀ wo nyùnɔ̀ɔŋ gbiŋ wò manaŋ wɔ̀, yèè sèè wò mɔnɔŋ wèè wo nyɛ̀nɛ̀ŋ ke jìì nyùùŋ gbiŋ ke nɔ̀ŋ gbɔ̀mgbɔ̀ɔ̀, wò nyɛ̀nɛ̀ŋ nìŋ.