Jɔ̀ɔŋ 12:37 - WƆŊ FƐ̀Ì EBÒ SÌÀŊ DAYÀA

³⁷ Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 12:37 ပူးပေါင်းရင်းမြစ်များ

Maafiù 11:20

Anyùùŋ nyaŋ maŋ jawa màŋ sùà ko yèi wo Jisɛ̀ naŋ wa nyɛ̀nɛ̀ŋ maŋ kèè mèèuŋ màŋ zimgbe lɛ̀, gò wa kìlà koɓɛ̀ Dayài. Kpeiŋ wo Jisɛ̀ naŋ nyiŋ wa tùù sìwè yèè wò naŋ nyiŋ woò wààŋ,

Luù 16:31

Kɛɛ wo Eɓulɔhɛɛ̀ŋ nauŋ woò janjai wààŋ, ‘Sèè àŋ go nyɛ̀nɛ̀ŋ e nɛ̀ɛŋ wo Mòòze yaà aŋ wɛ̀ijì nyaŋ naŋ nyiŋ woò lɛ, aŋ naàŋ haawè sèè pɛɛ wo nyùùŋ wo weì yèwà e fàaà dìì.’ ”

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 12:36

Kɛ̀ɛ̀nɛìŋ e hààwe wo nyùnɔ̀ɔŋ kiɛ̀ŋ e gbolòùŋ wɔ e teengaà wò yaà ko nɛ̀ɛ̀iŋ niìŋ lɛ. Wèè kɛ̀ niŋ nɔ̀ŋ aŋ bàiŋbà wèè e gbolòùŋ lɛ.” Nààŋ wo Jisɛ̀ naŋ nyiŋ tɛɛ̀ woò, wò naŋ nyiŋ jɔ̀ɔ̀nɔ̀ŋ fɛ̀ɛ̀, yèè wò naŋ kɔ̀ koɓɛ̀ joo bà wɔŋ kùàŋ wùŋ mauŋ ko yèi wo nyùùŋ gbiŋ nyimààŋ wa lɛ̀.

Jɔ̀ɔŋ 12:38

Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ? Yèè ɓòò naŋ wa yɛ̀mɛ̀ e gaàŋ gbee mɔ̀ɛ̀?”

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 6:2

Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.