Jɔ̀ɔŋ 12:36 - WƆŊ FƐ̀Ì EBÒ SÌÀŊ DAYÀA

³⁶ Kɛ̀ɛ̀nɛìŋ e hààwe wo nyùnɔ̀ɔŋ kiɛ̀ŋ e gbolòùŋ wɔ e teengaà wò yaà ko nɛ̀ɛ̀iŋ niìŋ lɛ. Wèè kɛ̀ niŋ nɔ̀ŋ aŋ bàiŋbà wèè e gbolòùŋ lɛ.” Nààŋ wo Jisɛ̀ naŋ nyiŋ tɛɛ̀ woò, wò naŋ nyiŋ jɔ̀ɔ̀nɔ̀ŋ fɛ̀ɛ̀, yèè wò naŋ kɔ̀ koɓɛ̀ joo bà wɔŋ kùàŋ wùŋ mauŋ ko yèi wo nyùùŋ gbiŋ nyimààŋ wa lɛ̀.

Jɔ̀ɔŋ 12:36 ပူးပေါင်းရင်းမြစ်များ

Maafiù 21:17

Kpeiŋ wo Jisɛ̀ naŋ nyiŋ jòò yèè wò naŋ fòlò ko jawa gbeeì wo kà Bɛfenè, ko yèi wò naŋ jàwè wɔŋ dùùm wiiŋ.

Maafiù 5:14

“Muàŋ nàŋ yaà e gbolòùŋ lɛ wèè anyùùŋ nyaŋ gbiŋ e ɗuunyaàŋ. E jawa gbeeɛ̀ àŋ naŋ nyɛ̀lɛ̀ wɔŋ tolòɔ dìmɛ̀ lɛ e fè ɓɛ̀nɛ̀ŋ nɔ̀ŋ kò nyɛɛnɛŋ.

Luù 16:8

Wèè esaɓù lɛɛ̀, wo kààmɔ̀ɔ̀ŋ wo ɓɔ̀ìjɔ̀à kàaɓì yɛ̀mɛ̀ manɛ̀ŋ diɛɔ̀ŋ nauŋ tɛnɛ̀ŋ wèè e jiikɛ̀ɛ wò naŋ nyɛ̀nɛ̀ŋ wèè wuŋ bi lɛ̀. Yɛi nɔŋ anyùùŋ kàaɓì nyaŋ e ɗuunyaŋ lɛɛ̀ àŋ yaà. Àŋ kuwa e jiikɛ̀ɛ zimgbe manɛ̀ŋ nyɛ̀nɛŋ nyiŋ màŋ sùà e nìàŋ anyùùŋ tɔ̀ɔ̀nyaàŋ nyaŋ.”

Jɔ̀ɔŋ 1:7

Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 11:54

Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 3:21

Kɛɛ wo nyùnɔ̀ɔŋ gbiŋ nɔ̀ŋ e tɔ̀ɔ̀nyaàŋ sùà wɔŋ nyiiŋ gèeuŋ nɔɔ̀ŋ sùà wɔ do nàŋ hnè koɓɛ̀ e gbolòùŋ lɛ, esaɓù kɛ̀ àŋ do nàŋ mɔ̀nɔ̀ŋ wèè anyùùŋ aŋ nyìmàŋ kɛ̀ wo Dayà nàŋ yaà nyìnìè e yèɛ àŋ nyɛnɛŋ lɛ̀.”

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Ɛfesɔ̀ 5:8

Nyɛ̀iŋ bi nìŋ yaà wa ke nyiwì sùà, kɛɛ nààŋ wo Kanaà naŋ naàŋ nɔ̀ŋ wo kɛ̀ɛ̀nɛiŋ nɔɔ̀ŋ lɛ, nìŋ yaà e gbolòùŋ sùà.

1Tɛsè 5:5

Yàwi nààŋ nyuùŋ hààwe nyàŋ gbiŋ è nyɛ̀nɛ̀ìŋ e yèɛ yaà e tɔ̀ɔ̀nyaàŋ lɛ màànààŋ anyùùŋ nyaŋ nyɛnɛŋ niìsìaà sùà lɛ. E fèìŋ ànyuùŋ nyɛ̀nɛ̀ŋ màŋ keì naanààŋ mààŋ ànyùùŋ nyaŋ bà nyiŋ nyɛnɛŋ kè nyìwìɛ sùà lɛ.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.