Jɔ̀ɔŋ 12:35 - WƆŊ FƐ̀Ì EBÒ SÌÀŊ DAYÀA

³⁵ Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 12:35 ပူးပေါင်းရင်းမြစ်များ

Luù 18:37

Yèè anyùùŋ nyaŋ naŋ woò nyààŋ, “Wo Jisɛ̀ e yìwìà ko Naazɔ̀ɛ̀ nàŋ yaà màaŋ sùà.”

Jɔ̀ɔŋ 11:10

Kɛɛ sèè mùŋ kaaìŋ e dùùm, mùŋ do nàŋ duonò, esaɓù kɛ̀ e gbolòùŋ fòùm kò feìŋ.”

Jɔ̀ɔŋ 11:9

Yèè wo Jisɛ̀ naŋ nyiŋ fasàì wààŋ, “Sɔ̀ɔ̀ è kùwàìŋ è hààwà zììyà jɛ̀wɛ̀ tìyèe kè ɗɔɔ gbiŋ sùà? Sèè mùŋ kaaìŋ maŋ gɔɛɛ, mùŋ do nàŋ kààìŋ e gbòlòùŋ e gɔɛɛ mɛ̀ɛɛ̀ŋ e ɗuunyaŋ lɛɛ̀, yèè mùŋ do nàŋ yɛ̀mɛ̀ dìì e kìlà muŋ naàŋ duonò.

Jɔ̀ɔŋ 12:36

Kɛ̀ɛ̀nɛìŋ e hààwe wo nyùnɔ̀ɔŋ kiɛ̀ŋ e gbolòùŋ wɔ e teengaà wò yaà ko nɛ̀ɛ̀iŋ niìŋ lɛ. Wèè kɛ̀ niŋ nɔ̀ŋ aŋ bàiŋbà wèè e gbolòùŋ lɛ.” Nààŋ wo Jisɛ̀ naŋ nyiŋ tɛɛ̀ woò, wò naŋ nyiŋ jɔ̀ɔ̀nɔ̀ŋ fɛ̀ɛ̀, yèè wò naŋ kɔ̀ koɓɛ̀ joo bà wɔŋ kùàŋ wùŋ mauŋ ko yèi wo nyùùŋ gbiŋ nyimààŋ wa lɛ̀.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 16:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀iŋ nààŋ nyuùŋ mɔ̀ɔ̀nɔim nyàŋ, wèè e teenga kpàa bà niŋ naàim ɓɛìŋ yɛmɛ̀, mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Kɛɛ e teenga kpàa bà sùà nìŋ doim ɓɛìŋ nàŋ yɛmɛ̀.”

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

2 Kɔliìŋ 3:14

Anyùùŋ nyaŋ naŋ wa nyìngè e ɗì nyaŋ, maŋ jii nyiŋ màŋ naŋ wa gbɔumgbɔ̀ɔ̀. E dìì màànàaŋ sèè àŋ nɔ̀ŋ wa ko kpìnìè wɔŋ fɛ̀ì e mìèsùàguùŋ gɔuɔ̀, wɔŋ dèè guùŋ wiiŋ àŋ ɓuwo wa ɗì wɔŋ, kòò wɔ̀ŋ ɓùùwà nyiìŋ nɔŋ maŋ jii komaŋ diɛ̀ŋ, nààŋ àŋ nɔ̀ŋ kpìnìè maŋ fɛ̀ì mìèsùàguùŋ gɔu màŋ. Sɔɔ̀ nɔŋ wo nyùùŋ sɛ̀ɛ̀ kè gbòò Jisɛ̀ Kulaìɛ sùà pangàà wɔŋ dèè bi fòloùŋ ɗì.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

Ɛfesɔ̀ 5:8

Nyɛ̀iŋ bi nìŋ yaà wa ke nyiwì sùà, kɛɛ nààŋ wo Kanaà naŋ naàŋ nɔ̀ŋ wo kɛ̀ɛ̀nɛiŋ nɔɔ̀ŋ lɛ, nìŋ yaà e gbolòùŋ sùà.