Jɔ̀ɔŋ 12:34 - WƆŊ FƐ̀Ì EBÒ SÌÀŊ DAYÀA

³⁴ Anyùùŋ nyaŋ naŋ wòò wo Jisɛ̀ nyààŋ, “Ke sàwàa wààŋ kɛ̀ wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. Kpeiŋ kɛ̀ dièsɔa mùŋ naŋ ɓɛ̀nɛ̀ŋ wòo kɛ̀ wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwouŋ? Ɓòò nàŋ yaà wo Jɔ̀àfèlàà Nyuùŋ Kpùnɔɔ̀ŋ?”

Jɔ̀ɔŋ 12:34 ပူးပေါင်းရင်းမြစ်များ

Maafiù 16:13

Kpeiŋ wo Jisɛ̀ yèè anyùùŋ màŋjɛ̀wɛ̀uŋ nyàŋ naŋ kɔ̀ maŋ kpàlàùŋ kpàlàùŋ maŋ naŋ gbɛ̀ɛ̀ e jawaà Sesèlià Fèlepì. Nààŋ àŋ yaà wa kɔɔyɛ, wò Jisɛ̀ naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà?”

Maafiù 21:10

Nààŋ wo Jisɛ̀ naŋ jòwò ko Jùlusɛ̀làm, e zɔlɔ̀ naŋ wa dìè anyùùŋ nyaŋ gbiŋ. Kpeiŋ anyùùŋ nyaŋ naŋ dawè nyààŋ, “Ɓòò nàŋ yaà wo nyùùŋ wɛɛ̀?”

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Jɔ̀ɔŋ 10:34

Wo Jisɛ̀ naŋ nyiŋ woò wààŋ, “Maŋ mìè mɛɛ̀ŋ yaà sìnga miŋ wɔŋ fɛ̀ì maŋ Sàwàiŋ nɔɔ̀ŋ sùà kɛ̀, ‘Nìŋ yaà aŋ dayà.’

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Jɔ̀ɔŋ 15:25

Tɛɛ̀ naŋ nyɛ̀nɛ̀ŋ è naŋ hɛɛnɛ̀ŋ nààŋ è yaà sìnga niŋ wɔŋ fɛ̀ì maŋ sàwà nyiŋ nɔɔ̀ŋ sùà kɛ̀, ‘Anyùùŋ naim wa wùɔ̀ŋ wèè foo.’

Jɔ̀ɔŋ 8:28

Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 5:18

Weètii, màànààŋ nɔŋ esàɓù maŋ jùùmù Adamàŋ maŋ sùà wo Dayà naŋ nìmìlà yàwi nààŋ gbiŋ lɛ̀, yɛi nɔŋ e ɗèwè guùŋ nɛ sùà, esàɓù e tɔ̀ɔ̀nyààŋ Jisɛ̀ Kulaìɛ wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè wò naŋ wi kìɛ̀ŋ wɔŋ nyiiŋ gèe gò jùà.

Hiɓu 7:24

Wo Jisɛ̀ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ, e kìlà e tòmò sìèfèìŋ zòòlouŋ nɛ̀ naàŋ nɔ̀ŋ kìɛŋ niŋ kòɓɛ̀ wò nyuùŋ joo bà.