Jɔ̀ɔŋ 12:27 - WƆŊ FƐ̀Ì EBÒ SÌÀŊ DAYÀA

²⁷ “Ke jìì sɛ̀ɛ yààìm , yèè miŋ nyimààŋ naàŋ kɛ̀ kiìŋ mìŋ naŋ ɓɛ̀nɛ̀ŋ nyɛ̀nɛŋ. Kɛɛ miŋ naàŋ dàwè wò Dèda miɔ̀ŋ wèè wò doim joeyè è tèèngà è keì nyìnga lɛɛ̀. E kìlà ngèè, wèè esaɓù lɛɛ̀ mìŋ naŋ wa hnè koɓɛ̀ anyùùŋ nyaŋ e ɗuunyaàŋ wèè ka kùwà e keì nyìnga.

Jɔ̀ɔŋ 12:27 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 11:26

Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Maafiù 26:45

Kpeiŋ wò naŋ kɛ̀ɛ̀ koɓɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ dawè wààŋ, “Kòò nìŋ yaà nɔŋ maŋ jàwè yèè ko gììyè nyiiŋ kpɛ? Yɛ̀mɛìŋ! E teengaà è haì wèè miàim wo Jɔ̀àfèlàà Nyuùŋ Kpùnɔɔ̀ŋ, naàŋ nɔ̀ŋ kìɛim koɓɛ̀ e gààŋ anyùùŋ maŋ jùumù nyaŋ.

Luù 22:44

Ke jii mɔ̀ɔ̀nɛŋ gbee sùà wò naŋ ɓɛìŋ zoolò. Yèè maŋ jɛi màŋ nauŋ wa fòlò kɔɔ màŋ yaà wa mààŋ maŋ sɛ̀ìŋ màŋ yaà dè sùà ko dììnaŋ.

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 11:41

Yèè anyùùŋ nyaŋ nao gè wɔŋ duò fààa. Yèè wo Jisɛ̀ naŋ yɛ̀mɛ̀ e tèèngà ko àìjɛnɛ̀ŋ wò naŋ woò wààŋ, “Dèda, mìŋ naum gè esɛ̀ wèè mùŋ naŋ jàà e zòòlo mɛ̀ kùàŋ dìì lɛ.

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 13:21

Nààŋ wo Jisɛ̀ naŋ wa tɛɛ̀ woò, ke jìì sɛ̀ɛ̀ e keì nyìnga gbee nauŋ kùwò wo jinàaŋ sùà, yèè wò naŋ wòò anyùùŋ màŋjɛ̀wɛ̀wuŋ nyàŋ wààŋ, “Miŋ woòiŋ e tɔɔɓaaà kɛ̀ nyɛ̀iŋ nyɛɛ̀ŋ bà guùŋ doim nàŋ maàŋ.”

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.