Jɔ̀ɔŋ 12:2 - WƆŊ FƐ̀Ì EBÒ SÌÀŊ DAYÀA

² Anyùùŋ mɔ̀ɔ̀nɔ̀ŋ Jisɛ̀ nyaŋ bà naŋ wa nyùnò e nɛ̀ŋje weèuŋ. Wo Mààta nàŋ yaà wa nyìnìè e tòmò nɛ̀ŋje gòònoɛ̀. Wo Lazɔlɔ̀ wuŋ pɛɛ jaa wa wɔŋ gbɛ̀gbɛ̀ maŋ nɛ̀ŋjeɔ̀ kɔɔ wɔŋ yèɔ wo Jisɛ̀ jaa wa kɔɔ wɔ̀ŋ.

Jɔ̀ɔŋ 12:2 ပူးပေါင်းရင်းမြစ်များ

Maafiù 26:6

Wo Jisɛ̀ yaà wa ko Bɛfenè ko gbòò Saimɔ̀ŋ, wo kenàŋ bà wo yèɔ kuwa wa weè e sààŋ maŋkùnù wɔ.

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Luù 14:12

Kpeiŋ wo Jisɛ̀ naŋ wòò felaaà naŋ nyiŋ nyààŋ wɔ wààŋ, “Sèè mùŋ nyaaŋ anyùùŋ wèè e nɛ̀ŋje jììyà koɓɛ̀ guùŋ, ɓɔ̀ mùŋ nyààŋ àŋ dàwium nyàŋ ɔ̀ɔ̀ àŋ wùìyaum nyàŋ ɔ̀ɔ̀ kè kpoo mɔɛ̀ŋ ɔ̀ɔ̀ ànyuùŋ bàne nyàŋ. Esaɓù kɛ̀ àŋ doum nàŋ nyààŋ muàŋ pɛɛ, yèè e ɗewe lɛɛ̀ sùà àŋ doum nàŋ nɔ̀ɔ̀ŋ pààwa sùà wèè e yèɛ mùŋ naŋ nyɛ̀nɛ̀ŋ lɛ.

Luù 22:27

Ɓòò anyùùŋ àŋ gongà kɛ̀ wuŋ nàŋ yaà wo gbeeɔ̀, wo yèɔ jaà aŋ hìàŋ e nɛ̀ŋjeuŋ nɛ̀ wo jè wɔ, ɔ̀ɔ̀ wo yèɔ tomàŋ wo hìàŋ e nɛ̀ŋjeɛ̀ wɔ? Wo yèɔ jaà aŋ hìàŋ e nɛ̀ŋjeuŋ nɛ̀ wɔ nàŋ yaà wo gbeeɔ̀. Kɛɛ kàiŋ naàŋ nɔ̀ŋ e tɛɛ mààŋ wo ɓɔìjɔ̀à tòmo.”

Luù 5:29

Eɓìèmàŋjɛ̀wɛ̀ tii, wo Liivaà naŋ wa kɛ̀ɛ̀nɛ̀ŋ wɔŋ ɗaa gèe gbee ko gboouŋ noo wèè wo Jisɛ̀ yaà anyùùŋ màŋjɛ̀wɛ̀uŋ nyàŋ. Nyiŋ, e hààwè anyuùŋ kùwà nɛ̀ɛ̀nɛ̀ŋ fuɔŋ nyàŋ zimgbe nyiŋ yaào wa e kpùlìà aŋ nyùùnèènyɛiŋ joo bà, yaà wa jììyè nɛ̀ŋ koɓɛ̀ guùŋ.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.