Jɔ̀ɔŋ 12:16 - WƆŊ FƐ̀Ì EBÒ SÌÀŊ DAYÀA

¹⁶ Ko tɔɔtuì, anyùùŋ màŋjɛ̀wɛ̀ Jisɛ̀ nyaŋ gò wa nyìmàŋ màŋ keì mɛɛ̀ŋ. Kɛɛ e teengaà wo Jisɛ̀ naŋ wa yèwè e fàaà dìì yèè wo Dayà nauŋ jòòwò ko àìjɛnɛ̀ŋ lɛ, paŋgàà àŋ naŋ wa jàà màŋ keì mɛɛ̀ŋ jii kɛ̀, wɔŋ fɛ̀ì Dayàa naŋ woò kɛ̀ maŋ keì mɛɛ̀ŋ do wa nàŋ kaaìŋ. Màŋ naŋ kaaìŋ màànààŋ nɔŋ màŋ yaà sìnga miŋ lɛ̀ wɔŋ fɛ̀ì Dayàa sùà.

Jɔ̀ɔŋ 12:16 ပူးပေါင်းရင်းမြစ်များ

Luù 18:34

Kɛɛ anyùùŋ màŋjɛ̀wɛ̀ nyaŋ go wa nyìmàŋ màŋ keì maŋ bà gbiŋ wò Jisɛ̀ yaà wa woo lɛ̀ tɛ̀ɛ̀. Aŋ fè wa ɓɛ̀nɛ̀ŋ nyìmàŋ è fàsai miŋ nɛ̀ esaɓù kɛ̀ màŋ yaà wa ko nyɛɛnɛŋ ko nɛ̀ɛ̀ŋ nyiŋ niìŋ.

Luù 24:25

Kpeiŋ wo Jisɛ̀ naŋ woò wààŋ, “Wèè kiìŋ nìŋ yaà yɛi e ɓàaɓàa e kìlà nìŋ naŋ yɛi gbɔ̀mgbɔ̀ɔ̀ maŋ jii wèè naŋ hààwè maŋ keì maŋ aŋ wɛ̀ijì nyaŋ naiŋ wa woò maŋ, e nyaàiŋ dè wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ?

Luù 24:45

Kpeiŋ wò naŋ nyiŋ kpuumò maŋ jii nyiŋ màŋ naŋ yilè wèè aŋ nyìmàŋ maŋ mìè gbòà wɔŋ fɛ̀ì Dayàa,

Luù 9:45

Kɛɛ anyùùŋ màŋjɛ̀wɛ̀ nyaŋ nyimààŋ wa kɛ̀ kiìŋ wò yaà wa woo. E fàsai niŋ nɛ̀ yaà wa ko nyɛɛnɛŋ ko nɛ̀ɛ̀ŋ nyiŋ niìŋ. E jiikɛ̀ɛ gò nyiŋ wa dè wèè è keì bi, e jùùɛ yaà nyiìŋ wa wèè auŋ dawè.

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Jɔ̀ɔŋ 2:22

Kpeiŋ nààŋ wo Dayà nauŋ wa gè e fàaà dìì wɔŋ gèeo sùà, anyùùŋ màŋjɛ̀wɛ̀uŋ nyàŋ naŋ ngàà kɛ̀ɛ̀nɛ̀ŋ jii jàa wèè e yèɛ wò naŋ nyiŋ wa woò lɛ. Àŋ naŋ hààwè e yèɛ wɔŋ fɛ̀ì Dayàa naŋ woò lɛ yaà e yèɛ wo Jisɛ̀ naŋ nyiŋ wa woò lɛ.

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Nyɛ̀nɛ̀ŋ 2:33

Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 8:1

E gbèìŋ gbèìŋ nɛ e nyaàiŋ dè e yèɛ è yààìŋ woo lɛ̀ nàŋ yaà kɛ̀, è kùwàìŋ wo Kànà Sìèfèìŋ Zòòlo Gbee wo yèɔ jaa ke kpùà Kanaà Dàyà Gaàŋ Gbeeɔ̀ kùàŋ jìka wɔ̀ ko àìjɛnɛ̀ŋ.