Jɔ̀ɔŋ 12:1 - WƆŊ FƐ̀Ì EBÒ SÌÀŊ DAYÀA

¹ Nààŋ maŋ ɗɔ̀ɔ̀ nɔɔnɔŋ dièguùŋ naŋ wa joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, wo Jisɛ̀ naŋ wa kɛ̀ɛ̀ ko Bɛfenè, ko jàwà Lazɔlɔ̀, wo yèɔ wò naŋ wa gè e fàaà dìì wɔ.

Jɔ̀ɔŋ 12:1 ပူးပေါင်းရင်းမြစ်များ

Maafiù 21:17

Kpeiŋ wo Jisɛ̀ naŋ nyiŋ jòò yèè wò naŋ fòlò ko jawa gbeeì wo kà Bɛfenè, ko yèi wò naŋ jàwè wɔŋ dùùm wiiŋ.

Luù 24:50

Kpeiŋ wo Jisɛ̀ naŋ gè anyùùŋ màŋjɛ̀wɛ̀uŋ nyàŋ ko jawa gbeeì yèè wò naŋ nyiŋ kɔ̀ɔ̀ ko Bɛfenè. Wò naŋ jòòwò maŋ kuàuŋ màŋ fùùŋ wò naŋ nyiŋ gbìɛ̀ŋ e zòòlo maŋjɛ̀wɛ.

Luù 7:37

Wo nìe bà yaà wa ko jawa wii, kɛɛ wò yaà wa wo nyùùŋ maŋ jùumù. Wò naŋ wa kòmò kɛ̀ wo Jisɛ̀ yaà wa jììyè nɛ̀ŋ ko gbòò Fɛlosiìɔ. Wo nìeɔ̀ naŋ hìɛ̀ŋ e sàiŋ bàànè e dùò bà àŋ nyaaŋ àlàbasità è naŋ dìè maŋ kuùmàì,

Jɔ̀ɔŋ 11:1

Wo felaa bà yaào wa àŋ nyaaŋ wo Lazɔlɔ̀, kɛɛ wò yaà wa siinyɛŋ ko jawauŋ niìŋ àŋ nyaaŋ ko Bɛfenè lɛ. Wo Lazɔlɔ̀ kuwa wa aŋ jàà nyùùŋ tìyèe, wo Mèèle yèè wo Mààta. Nyiŋ pɛɛ hewa jòò ko jawa bi.

Jɔ̀ɔŋ 11:43

Nààŋ wo Jisɛ̀ naŋ tɛɛ̀ kpɛ̀ɛ̀yɛ̀ wòo, wò naŋ nyaanè ke miè gbeeo sùà wààŋ, “Lazɔlɔ̀, yewà dìì muŋ fòlà!”

Jɔ̀ɔŋ 11:44

Wo Lazɔlɔ̀ naŋ fòlò, wò yaà maŋ dèè maŋ àŋ nauŋ siiyè maŋ sùà, yèè wɔŋ deè fàà ɓùùwaùŋ wɔŋ feìŋ. Yèè wo Jisɛ̀ naŋ nyiŋ woò wààŋ, “Fìle nùuŋ, niŋ dangèuŋ wo ka.”

Jɔ̀ɔŋ 11:55

È naŋ wa naàŋ jòò maŋ ɗɔɔ kpàa wèè aŋ Juùù nyaŋ aŋ gè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ. Anyuùŋ zimgbe naŋ wa yèwè maŋ tiwi jawa màŋ sùà yèè àŋ naŋ hnè ko Jùlusɛ̀làm wèè aŋ banebànè nyiŋ bi e làngì zòòlo nyiŋ nɛ̀ sùà wèè aŋ nɔ̀ŋ zɛ̀nɛŋ nyiŋ paŋgàà wɔŋ ɗaaà wɔ̀ŋ haì.

Jɔ̀ɔŋ 12:12

Wɔŋ niìsìaà bàa anyuùŋ zimgbe nyàŋ naŋ wa kɔ̀ wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ sùà nyaŋ naŋ kòmò kɛ̀ wo Jisɛ̀ yaà wa hìnìè ko Jùlusɛ̀làm.

Jɔ̀ɔŋ 12:20

Aŋ Guliì nyuuŋ nyàŋ bà naŋ wa kɔ̀ ko zoolo e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ko Jùlusɛ̀làm.

Jɔ̀ɔŋ 12:9

Ke gbòò aŋ Juùù nyuuŋ zimgbe naŋ wa kòmò kɛ̀ wo Jisɛ̀ yaà wa ko Bɛfenè. Kpeiŋ àŋ nao hnè, kɛɛ e fè nɔŋ wèè wò Jisɛ̀ wuŋ guùŋ, è yaà wa wèè aŋ yɛ̀mɛ̀ wa wo Lazɔlɔ̀ wuŋ pɛɛ, wo yèɔ wo Jisɛ̀ naŋ wa gè e fàaà dìì wɔ.