Jɔ̀ɔŋ 11:54 - WƆŊ FƐ̀Ì EBÒ SÌÀŊ DAYÀA

⁵⁴ Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 11:54 ပူးပေါင်းရင်းမြစ်များ

Jɔ̀ɔŋ 10:40

Wo Jisɛ̀ naŋ ɓɛìŋ kɛ̀ɛ̀ e Wùìyè Jɔɔɗììŋ nɛ nìngè koɓɛ̀i wo Jɔ̀ɔŋ Gùà Nyùnɔ̀ɔŋ naŋ wa gùùyè anyùùŋ nyaŋ lɛ̀. Yèè nààŋ wo Jisɛ̀ yaà wa koɓɛ̀ bi,

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 7:10

Aŋ wùìyà Jisɛ̀ nyaŋ naŋ kɔ̀ wɔŋ ɗaaà diɛŋ, yèè eɓìèmàŋjɛ̀wɛ̀ ngàà wo Jisɛ̀ wuŋ pɛɛ naŋ kɔ̀ wɔŋ ɗaaà diɛŋ. Wò naŋ wa kɔ̀ wɔŋ kùàŋ wùŋ mauŋ, yèè wo gò wa nyɛ̀nɛ̀ŋ wèè ànyùùŋ auŋ jààèjii.

Jɔ̀ɔŋ 7:13

Kɛɛ anyùùŋ nyaŋ gò wa wòò è kiiuŋ gèngèè esaɓù kɛ̀, àŋ duɔŋ wa anyùùŋ gbèègbèè aŋ Juùù nyaŋ.

Jɔ̀ɔŋ 7:4

Yèè nyààŋ e gò tɛɛwɛ̀ wèè wò nyùùŋ wo nyɛ̀ɛ̀nɛ̀ŋ è nɛ̀ɛŋ wò nyɛnɛŋ lɛ̀ sèè wò mɔnɔŋ wèè anyùùŋ nyaŋ aŋ niŋ nyìmàŋ. Weètii nyɛnɛ̀ŋ anyùùŋ nyaŋ gbiŋ e ɗuunyaàŋ aŋ nyìmàŋ e yèɛ mùŋ yaà nyinie lɛ̀.”