Jɔ̀ɔŋ 11:52 - WƆŊ FƐ̀Ì EBÒ SÌÀŊ DAYÀA

⁵² Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 11:52 ပူးပေါင်းရင်းမြစ်များ

Luù 15:8

Wo Jisɛ̀ naŋ ɓɛìŋ woò wààŋ, “Sèè wo jɔùŋ wo weè kùwìè e kaiŋ fua nɛɛnɛŋ è zììyà yèè kè guùŋ kouŋ gò sìwè, kiìŋ wò nyɛnɛŋ? Wò sie e laumpò, wo hàmàŋ ko saauŋ niìŋ gbiŋ ko kaame nyiŋ e jèèsùà wo nyiŋ mɛɛ̀ŋ.

Luù 2:32

e gbolòùŋ wèè e tɔ̀ɔ̀ ke kpèè mɔɛ̀ŋ koɓɛ̀ anyùùŋ nyaŋ fè àŋ Juùù nyaŋ, yèè wèè e jòòwo mɔ̀ɛ̀ koɓɛ̀ anyùùŋ nyàŋ ko Ezɔ̀ɛ̀.”

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Nyɛ̀nɛ̀ŋ 18:10

Kòò mìŋ yààùm maŋjɛ̀wɛ, wo nyùùŋ gbiŋ naàum gbùwò kè gùuŋ wèè woum nɛɛmùŋ, esaɓù anyùùŋ nyaŋ zimgbe nyiŋ ko jawa gbee àŋ yaà anyunùim.”

Luùm 3:29

Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

Ɛfesɔ̀ 3:11

Wo Dayà naŋ tɛɛ̀ nyɛ̀nɛ̀ŋ màànààŋ e ɗèweuŋ nɛ̀ naŋ woò wèè julɔfɔ lɛ̀, e yèɛ wò naŋ jàà jii kɛ̀ è yaà wo Kana wiɔ̀ Jisɛ̀ Kulaì sùà lɛ.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.