Jɔ̀ɔŋ 11:5 - WƆŊ FƐ̀Ì EBÒ SÌÀŊ DAYÀA

⁵ Wo Jisɛ̀ manaŋ wa wo Mààta yaà wo nanàŋ jɔ̀àuŋ nɔɔ̀ŋ Mèèle yèè wo Lazɔlɔ̀.

Jɔ̀ɔŋ 11:5 ပူးပေါင်းရင်းမြစ်များ

Luù 10:38

Nààŋ wo Jisɛ̀ yaà anyùùŋ màŋjɛ̀wɛ̀uŋ yaà wa kɔɔyɛ, àŋ naŋ hàì ko vàa bà ko yèi wo nìe bà àŋ nyaaŋ wo Mààta wɔ̀, wò naŋ ɓèè wo Jisɛ̀ yèè wò nauŋ kɔ̀ɔ̀ ko gboouŋ noo.

Luù 10:40

Wo Mààta yaà wa sɛ̀ɛ̀ jii e fèfoo wèè e tòmoɛ̀ gbiŋ wò kuwa wa wèè wo nyɛ̀nɛ̀ŋ lɛ. Weètii wò naŋ wa hnè koɓɛ̀ Jisɛ̀i wò nauŋ woò wààŋ, “Kanaà, muŋ gò kpɛɛ̀ŋ weèim esaɓù kɛ̀ wo nanàŋ miɔ̀ŋ wòim dààngè maŋ tòmo màŋ gbiŋ wèè miàŋ guùŋ ka miŋ nyɛ̀nɛ̀ŋ? Wòouŋ wo hnàŋ wo kpuumàim.”

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Jɔ̀ɔŋ 11:1

Wo felaa bà yaào wa àŋ nyaaŋ wo Lazɔlɔ̀, kɛɛ wò yaà wa siinyɛŋ ko jawauŋ niìŋ àŋ nyaaŋ ko Bɛfenè lɛ. Wo Lazɔlɔ̀ kuwa wa aŋ jàà nyùùŋ tìyèe, wo Mèèle yèè wo Mààta. Nyiŋ pɛɛ hewa jòò ko jawa bi.

Jɔ̀ɔŋ 11:3

Aŋ jàà Lazɔlɔ̀ nyaŋ naŋ wa tùɔ̀ŋ ke miè gbìaŋ koɓɛ̀ Jisɛ̀i yèè àŋ nauŋ woò nyààŋ, “Kanaà, wo dàwi siaŋ mɔɔ̀ŋ Lazɔlɔ̀ wo yèɔ mùŋ manaŋ zimgbe wɔ̀ kòò wò yaà siinyɛŋ.”

Jɔ̀ɔŋ 11:36

Aŋ Juùù nyaŋ naŋ woò nyààŋ, “Yɛ̀mɛ̀ weè e ɗeweɛ̀ wò manaŋ yɛi wo Lazɔlɔ̀ le.”

Jɔ̀ɔŋ 11:6

Kɛɛ yɛi nɔŋ è yaà nààŋ wò nàŋ wa kòmò ebò e sààŋ Lazɔlɔ̀ɛ, wò naŋ wa jèè koɓɛ̀i wò yaà wa lɛ̀ wèè maŋ ɗɔ̀ɔ̀ tìyèe ɓɛìŋ.

Jɔ̀ɔŋ 11:8

Yèè anyùùŋ màŋjɛ̀wɛ̀uŋ nyàŋ nauŋ woò nyààŋ, “Kààmɔɔŋ, aŋ Juùù nyaŋ koɓɛ̀ wii manaŋ wèè aum hɔ̀wà le dùò wèè maŋ fà. Wèè kiìŋ mùŋ manaŋ ɓɛìŋ wèè mao kɛɛ̀?”

Jɔ̀ɔŋ 16:27

Wo Dèda miɔ̀ŋ Dayà mànàìŋ, esaɓù kɛ̀ nyɛ̀iŋ pɛɛ nìŋ mànàìm; yèè nìŋ naŋ haawè kɛ̀ wuŋ naim tùɔ̀ŋ.

Jɔ̀ɔŋ 17:26

Kà nyiŋ woò kɛ̀ ɓòò nàŋ yààùm, yèè mìŋ do nyiŋ niŋ ɓɛìŋ nàŋ woò. Kpeiŋ kɛ̀ e mànaàŋ mùŋ kuwa weèim lɛ̀ è do nàŋ nɔ̀ŋ e je nyiŋ, wèè nyiiŋ pɛɛ aŋ kɛɛnɛ̀ŋ e mànaŋ bi wèè aŋ dàwi nyiŋ nyàŋ, yèè yàwi nyiŋ do nàŋ nɔ̀ŋ anyùùŋ guùŋ aŋ dàwio sùà.”