Jɔ̀ɔŋ 11:49 - WƆŊ FƐ̀Ì EBÒ SÌÀŊ DAYÀA

⁴⁹ Wo màmàŋkùmɛɔ̀ŋ bà guùŋ e tɛɛ nyiŋ àŋ nyaaŋ wo Kaifɔ̀ wɔ, wo yèɔ yaà wa wo Kànà Sìèfèìŋ Zòòlo Gbee wɔŋ doa wiiŋ, naŋ nyiŋ woò wààŋ, “Nyɛ̀iŋ nààŋ nyùùŋ nyɛɛ̀ŋ niŋ kuwà è jiikɛ̀ɛ gbiŋ.

Jɔ̀ɔŋ 11:49 ပူးပေါင်းရင်းမြစ်များ

Maafiù 26:3

Kpeiŋ aŋ kànà sìèfèìŋ zòòlo nyàŋ yaà aŋ màmànkùmɛ̀ŋ fuɔɔ̀ŋ naŋ dèènè koɓɛ̀ guùŋ ko jɔ̀ɔ̀lègbèè ko gbòò Kaifɔ̀, wo Kànà Sìèfeìŋ Zòòlo Gbeeɔ̀.

Luù 3:2

E teenga lii sùà wo Anàŋ yèè wo Kaifɔ̀ nàŋ yaà wa aŋ Sìèfèìŋ Zòòlo Gbee nyàŋ. E teenga bi sùà wo Dayà naŋ wa kìɛ̀ŋ ke miè gbìaŋ koɓɛ̀ wo jɔ̀àfèlàà Zakalayàa Jɔ̀ɔŋ, wo yèɔ hewa jòò e dìì ke fòùngà e diì wòaà diɛŋ wɔ̀.

Jɔ̀ɔŋ 11:51

Kɛɛ tɔɔɓaa wo Kaifɔ̀ gò wa tɛɛ̀ woò wɔ̀ŋ kùàŋ wuŋ bi. Yèè nààŋ wò yaà wa Kànà Sìèfèìŋ Zòòlo Gbeeɔ̀ wɔŋ doa wiiŋ, wo Dayà wuŋ bi nauŋ wa gbùùyè ko sùà wèè wo woò aŋ Juùù nyaŋ kɛ̀ wo Jisɛ̀ yaà wa hinie wèè wo fà wèè anyùùŋ nyaŋ gbiŋ wɔŋ fuɔɔ̀ŋ.

Nyɛ̀nɛ̀ŋ 4:6

Àŋ naŋ mɛ̀ɛ̀ŋ wo Kànà Sìèfèìŋ Zòòlo Gbeeɔ̀ wo Anàŋ yèè wo Kaifɔ̀, wo Jɔ̀ɔŋ, wo Àlèzanàŋ, yèè aŋ gbànaŋ nyàŋ ke gbòò wo Kànà Sìèfèìŋ Zòòlo Gbeeɔ̀ sùà.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.