Jɔ̀ɔŋ 11:47 - WƆŊ FƐ̀Ì EBÒ SÌÀŊ DAYÀA

⁴⁷ Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 11:47 ပူးပေါင်းရင်းမြစ်များ

Maafiù 26:3

Kpeiŋ aŋ kànà sìèfèìŋ zòòlo nyàŋ yaà aŋ màmànkùmɛ̀ŋ fuɔɔ̀ŋ naŋ dèènè koɓɛ̀ guùŋ ko jɔ̀ɔ̀lègbèè ko gbòò Kaifɔ̀, wo Kànà Sìèfeìŋ Zòòlo Gbeeɔ̀.

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Luù 22:2

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà wa kààmè e ɗewe wèè aŋ kùwà wo Jisɛ̀ wèè aŋ jìwàuŋ ke gbùnu sùà, esaɓù kɛ̀ àŋ duɔŋ wa anyùùŋ nyaŋ.

Jɔ̀ɔŋ 11:57

Aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ mììnyɛ̀ŋ ke sàwà àŋ naŋ wòò anyùùŋ nyaŋ wèè aŋ jàà fɛ̀ɛ̀ dìì wèè wo Jisɛ̀, yèè nyààŋ sèè àŋ yɛmɛ̀uŋ, kɛ̀ aŋ nyɛ̀nɛ̀ŋ nyiŋ aŋ nyìmàŋ. Yɛi àŋ naŋ wa ɗewè wèè aŋ wa kùwà wo Jisɛ̀.

Jɔ̀ɔŋ 12:19

Kpeiŋ aŋ Fɛlosiì nyaŋ naŋ wòò nyiŋ bi e fèemàŋ nyààŋ, “E fèiŋ ɓɛ̀nɛ̀ŋ nyìnìàŋ wò felaa wɛɛ̀ è nɛ̀ŋ gbiŋ, esaɓù kɛ̀ anyùùŋ nyaŋ gbiŋ àuŋ naàŋ dè maŋjɛ̀wɛ.”

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 6:2

Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.

Jɔ̀ɔŋ 7:32

Nààŋ aŋ Fɛlosiì nyaŋ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ dè wo Jisɛ̀, nyiŋ yèè aŋ kànà sìèfèìŋ zòòlo nyàŋ naŋ tùɔ̀ŋ anyuùŋ tùnìàŋ ke saaŋ zòòlò Dayà nyaŋ bà wèè aŋ kùwà wo Jisɛ̀.

Jɔ̀ɔŋ 7:45

Nààŋ anyuùŋ tùnìàŋ ke Saaŋ Zòòlò Dayàa naŋ kɛ̀ɛ̀ maŋjɛ̀wɛ koɓɛ̀ anyùùŋ nyaŋ naŋ nyiŋ wa tùɔ̀ŋ nyaŋ, aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ nyiŋ dawè nyààŋ, “Wèè kiìŋ niŋ gò hìàŋ wò Jisɛ̀?”

Nyɛ̀nɛ̀ŋ 5:21

Wɔŋ niìsìaà aŋ keela nyàŋ naŋ jɔ̀ ko Saaŋ Zòòlò Dayài, nààŋ wo màikàa naŋ nyiŋ woò wèè aŋ nyɛ̀nɛ̀ŋ lɛ, yèè àŋ naŋ tɔ̀ɔ̀tù anyùùŋ nyaŋ kàa. Wo Kànà Sìèfèìŋ Zòòlo Gbeeɔ̀ yaà anyuùŋ kpùùmauŋ nyàŋ naŋ nyààŋ aŋ màmànkùmɛ̀ŋ fuɔɔ̀ŋ e kpùlìà anyùùŋ gbèègbèè fuɔŋ nyàŋ gbiŋ ko Ezɔ̀ɛ̀ wèè aŋ deenè. Kpeiŋ àŋ naŋ tùɔ̀ŋ anyùùŋ ko sààŋ nyìwìi wèè aŋ hiàŋ aŋ keela nyàŋ ko fɛɛ̀feìŋ nyiŋ niìŋ.

Nyɛ̀nɛ̀ŋ 5:24

E teengaà aŋ kànà sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke saaŋ zòòlò Dayàa naŋ tɛɛ̀ kòmò lɛ, àŋ naŋ kùùnò gòngo sèè mààŋ kɛ̀ kiìŋ naŋ wɛ̀i kààìŋ koɓɛ̀ aŋ keela tàeɗùù nyaŋ.