Jɔ̀ɔŋ 11:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Jisɛ̀ nauŋ woò wààŋ, “Miŋ gòum woò mìàŋ kɛ̀ sèè mùŋ kɛɛnɛ̀ŋ e hààwe mùŋ do nàŋ yɛ̀mɛ̀ e jòòwò Dayàa?”

Jɔ̀ɔŋ 11:40 ပူးပေါင်းရင်းမြစ်များ

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 11:4

Kɛɛ nààŋ wo Jisɛ̀ naŋ wa tɛɛ̀ kòmò, wò naŋ woò wààŋ, “Ko jee ɗìi wèè e sàauŋ nɛ̀ e naàŋ nɔ̀ŋ è fàa. È do nàŋ hìɛ̀ŋ e jòòwo koɓɛ̀ Dayài yèè miàim wo Jɔ̀àfèlàà Dayàa.”

Jɔ̀ɔŋ 12:41

Wo Àzaayà naŋ wa tɛɛ̀ woò esaɓù kɛ̀ wò naŋ wa yɛ̀mɛ̀ e jòòwò kìì Jisɛ̀ɛ yèè wò naŋ wòò e kiiuŋ.

Jɔ̀ɔŋ 9:3

Wo Jisɛ̀ naŋ fasàì wààŋ, “Kpele, e fè èsàɓù màŋ jùumùuŋ màŋ ɔ̀ɔ̀ màŋ jùùmù ànyuùŋ kòmauŋ nyàŋ wèè wo zììlè fɛ̀ɛ̀. Wò naŋ wa zììlè le fɛ̀ɛ̀ wèè kɛ̀ niŋ yɛmɛ̀ wo Dayà wo nyɛ̀nɛ̀ŋ e kèè mèè weèuŋ.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.