Jɔ̀ɔŋ 11:32 - WƆŊ FƐ̀Ì EBÒ SÌÀŊ DAYÀA

³² Wo Mèèle naŋ wa kɔ̀ koɓɛ̀i wo Jisɛ̀ yaà wa lɛ̀. Nààŋ wo Mèèle nauŋ wa yɛmɛ̀, wò naŋ dè maŋ gɛ̀ɛ̀nùuŋ màŋ dììnaŋ yèè wò naŋ woò wààŋ, “Kanaà, sèè maŋ dài weè kià nɔ̀ŋ, wo wùìya miɔ̀ŋ naàŋ mɛ̀iŋ weè nàŋ fɔ̀.”

Jɔ̀ɔŋ 11:32 ပူးပေါင်းရင်းမြစ်များ

Luù 17:16

Wò naŋ hnè wo gbùwò wo Jisɛ̀ gòlòò dìì wouŋ gè ke sɛ̀. Wo felaaà yewe wa wɔŋ fùɔ̀ŋ Sàmiliàa sùà.

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 8:41

E tèèngà guùŋ bi sùà, wo felaa bà àŋ nyaaŋ wa wo Jalɔ̀, wo nyuùŋ gbeeɔ̀ bà guùŋ wèè ko sààŋ zòòlò aŋ Juùù nyaŋ naŋ hnè ko nɛ̀ɛ̀uŋ niìŋ. Wò naŋ gbùwò wɔŋ dewàuŋ ko dììnaŋ wo Jisɛ̀ fɛɛ̀feìŋ wò nauŋ pɔwɔ̀ wèè wò hnàŋ ko gboouŋ noo,

Jɔ̀ɔŋ 11:2

Wo Mèèle wɛɛ̀ nàŋ yaà wa wo yèɔ naŋ wa kpàlèè maŋ kuùmàì maŋ wo Kanaà Jisɛ̀ maŋ gòlò, yèè wò naŋ hààngè e ɗì dumuuŋ nɛ̀ maŋ gòlò Jisɛ̀ maŋ. Wo wùìyauŋ nɔɔ̀ŋ Lazɔlɔ̀ nàŋ yaà wa siinyɛŋ.

Jɔ̀ɔŋ 11:21

Wo Mààta naŋ wòò wo Jisɛ̀ wààŋ, “Kanaà, sèè maŋ dài weè kià nɔ̀ŋ, wo wùìya miɔ̀ŋ naàŋ mɛ̀iŋ weè nàŋ fɔ̀!

Jɔ̀ɔŋ 11:37

Anyùùŋ nyaŋ bà nyiŋ naŋ woò nyààŋ, “Wò naŋ gbàì le fɛ̀ɛ̀ nyuùŋ zììlè le fɛ̀ɛ̀ɔ. Wèè kiìŋ wo gò mɛ̀iŋ jòèyè wò Lazɔlɔ̀ wèè wo go dai nàŋ fɔ̀?”

Jɔ̀ɔŋ 4:49

Wo kenàaŋ naŋ fàsàì wo Jisɛ̀ wààŋ, “Kanaà, kɔ̀nɛɛ̀ŋ hnaàŋ muŋ sùngà wo jɔ̀àfelaa miɔ̀ŋ wo go nàŋ fɔ̀!”

Maŋ kèì nyɛɛnɛŋ 22:8

Miàim Jɔ̀ɔŋ, kà kòmàŋ e kìlà kà yɛ̀mɛ̀ maŋ keì mɛɛŋ gbiŋ. Nààŋ mìŋ naŋ kpɛ̀ɛ̀yɛ̀ maŋ keì mɛɛ̀ŋ kòmaŋ e kìlà mìŋ naŋ miŋ yɛmɛ̀, mìŋ naŋ dè maŋ gɛ̀ɛ̀nìim màŋ dììnaŋ wo màikàa fɛɛ̀feìŋ, wo yèɔ naim tɔ̀ɔ̀ maŋ keì mɛɛ̀ŋ gbiŋ wɔ̀ wèè kauŋ zoolò.

Maŋ kèì nyɛɛnɛŋ 5:14

Maŋ ɗòlònɛ̀ŋ tiinàŋ maŋ naŋ woò nyààŋ, “Àmiinàŋ!” Yèè aŋ màmàŋkùmɛŋ nyàŋ naŋ dè maŋ gɛ̀ɛ̀nìŋ nyiŋ màŋ dììnaŋ àŋ naŋ zoolò.

Maŋ kèì nyɛɛnɛŋ 5:8

Nààŋ wo Ɓaawaaà nauŋ gè wɔŋ fɛi fùngò fungoɔ̀ sìwè, maŋ ɗòlònɛ̀ŋ tiinàŋ maŋ yaà aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ naŋ dè maŋ gɛ̀ɛ̀nìŋ nyiŋ màŋ dììnaŋ ko fɛ̀ɛ̀fèìŋ wo Ɓaawaaà. Wo bà guùŋ gbiŋ kuwa wa ke kɔningai yaà wɔŋ gòoò gɛ̀i, wɔ̀ŋ naŋ dìè maŋ kùùkɔ̀ɔ̀ dò siaŋ. Miiŋ nàŋ yaà wa maŋ zòòlò anyùùŋ nɛɛmaŋ nyàŋ.