Jɔ̀ɔŋ 11:28 - WƆŊ FƐ̀Ì EBÒ SÌÀŊ DAYÀA

²⁸ Nààŋ wo Mààta naŋ tɛɛ̀ woò, wò naŋ kɔ̀ yèè wò naŋ nyààŋ wo nanàŋ jɔ̀àuŋ nɔɔ̀ŋ Mèèle mɔ̀ɔ̀ŋ, yèè wò nauŋ woò wààŋ, “Wo Kààmɔɔŋ kòò wò yaà kià, yèè wò yaà dààwè kiium.”

Jɔ̀ɔŋ 11:28 ပူးပေါင်းရင်းမြစ်များ

Maafiù 26:18

Kpeiŋ wo Jisɛ̀ naŋ tùɔ̀ŋ anyùùŋ màŋjɛ̀wɛ̀uŋ nyàŋ koɓɛ̀ wo felaa bà ko jawa gbeeì wèè aŋ woòuŋ nyààŋ, “Wo Kààmɔɔŋ wààŋ, ‘E teenga mɛ̀ è haì! Mìŋ manaŋ miàŋ yèè anyùùŋ màŋjɛ̀wɛ̀im nyàŋ eiŋ jììyè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ko gboo moo.’ ”

Luù 22:11

wòoìŋ wo kɛ̀ɛ̀nɛ̀ŋ saaàŋ nààŋ, ‘Wo Kààmɔɔŋ wààŋ, kòò ko loomùiŋ ko yèi wuŋ yaà anyùùŋ màŋjɛ̀wɛ̀uŋ nyàŋ aŋ do nàŋ jììyè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ?’

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 10:3

Wo nyùnɔ̀ɔŋ jaà wɔŋ gbàngiɔ̀ feìŋ wɔ, yilà wɔŋ gbàngiɔ̀ wèè wo nyuùŋ tùnìàŋ aŋ ɓaawaa nyàŋ wo jɔ̀à koɓɛ̀i aŋ ɓaawaa nyàŋ joà lɛ. Aŋ ɓaawaa nyàŋ nyìmàŋ ke mièuŋ nɛɛ̀ŋ tɛ̀ɛ̀. Wò nyaaŋ aŋ gbiŋ maŋ dèè guùŋ guùŋ yèè wò koà nyiìŋ wèè aŋ gbìlà maŋ tàta màŋ sùà.

Jɔ̀ɔŋ 11:20

Nààŋ wo Mààta naŋ wa kòmò kɛ̀ wo Jisɛ̀ yaà wa hinie, wò naŋ wa kɔ̀ wèè wouŋ ɓeeè, kɛɛ wo Mèèle naŋ wa jòò ko gbooì.

Jɔ̀ɔŋ 11:29

Wo Mèèle naŋ nɔŋ tɛɛ̀ kòmò fa, wò yèwà dìì maŋ dùaŋ dùaŋ yèè wò naŋ kɔ̀ ko ɓèè wo Jisɛ̀.

Jɔ̀ɔŋ 11:30

Wo Jisɛ̀ kòò wò hàì wa weè kò jawaì. Kɛɛ wò yaà wa nɔŋ koɓɛ̀i wo Mààta naŋ wa kɔ̀ yèè wò nauŋ mɛɛ̀ŋ lɛ.

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Jɔ̀ɔŋ 20:16

Yèè wo Jisɛ̀ nauŋ woò wààŋ, “Mèèle!” Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”

Jɔ̀ɔŋ 21:7

Wo nyùùŋ màŋjɛ̀wɛ̀ɔ wo Jisɛ̀ manaŋ wa wɔ̀ naŋ wòò wo Saimɔŋ Piilɛ̀ wààŋ, “Wo Kanaà wò!” Nààŋ wo Pììlɛ naŋ kòmò kɛ̀ wo Kanaà wo, wò naŋ gbìɛ̀ŋ wɔŋ deèuŋ nɔɔ̀ŋ gbààì wɔŋ yèɔ wò naŋ gè wò naŋ haà e teengaà wò yaà wa toomo lɛ̀. Yèè wò naŋ vaì wo sɛ̀ɛ̀ e wùìyèɛ sùà.

1Tɛsè 5:11

Wèètii fèeìŋ aŋ dàwiiŋ nyàŋ maŋ jii nyingè, yèè niŋ kpuumàŋ e fèemàŋ màànààŋ nìŋ yaà yɛi nɔŋ nyinie le.

Hiɓu 12:12

Jòòwoìŋ maŋ kuàŋ yɔ̀kpɔiŋ màŋ fùùŋ e kìlà niŋ kɛɛnɛ̀ŋ jii nyingè, yèè niŋ nyɛ̀nɛ̀ŋ maŋ gɛ̀ɛ̀nìiŋ màŋ jele kpàkpà maŋ kɛɛnɛ̀ŋ gààŋ wèè niŋ kaaìŋ tɛ̀ɛ̀ ke dòmaŋ jìlɛŋ diɛŋ. Kàaìŋ ke dòmaŋ jìlɛŋ diɛŋ e teenga gbiŋ, wèè kɛ̀ maŋ gòlò anyuùŋ kpɔ̀ɔ̀kpɔɔ nyàŋ maŋ jòèyà, yèè maŋ go nàŋ nɔ̀ŋ naanààŋ maŋ yɛi nìàŋ.