Jɔ̀ɔŋ 11:26 - WƆŊ FƐ̀Ì EBÒ SÌÀŊ DAYÀA

²⁶ Yèè aŋ yè nyaŋ yaà wɔŋ nyiiŋ gèeɔ̀ sùà àŋ naim haawè nyaŋ aŋ naàŋ wa nàwèè fɔ̀ julɔfɔ. Màŋ tɛɛ̀ haawè?”

Jɔ̀ɔŋ 11:26 ပူးပေါင်းရင်းမြစ်များ

Maafiù 26:53

Niŋ nyimààŋ kɛ̀ kà weè ɓɛ̀nɛ̀ŋ dàwè wò Dèda miɔ̀ŋ wèè è kpùùmaŋ, yèè wò do nàŋ tùɔ̀ŋ aŋ màikà taasùùŋ jika ko nɛ̀ɛ̀ŋ miìŋ?

Maafiù 9:28

Yèè nààŋ wo Jisɛ̀ naŋ wa jɔ̀ ko saaŋ bà, aŋ fèlàà tìyèe zììlè le fɛ̀ɛ̀ nyaŋ naŋ hnè ko nɛ̀ɛ̀uŋ niìŋ. Kpeiŋ wò naŋ nyiŋ dawè wààŋ, “Nìŋ naŋ haawè kɛ̀ kàiŋ ɓɛ̀nɛ̀ŋ sùnga?” Aŋ fèlàà tìyèe nyàŋ naŋ fasàì nyààŋ, “Hɛ̀ɛɛ̀ŋ, Kanaà.”

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:47

Mìŋ yààìŋ wòò e tɔɔɓaaà kɛ̀, wo nyùnɔ̀ɔŋ kɛɛnɛ̀ìm e hààwe ko sùà wɔ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 9:35

Nààŋ wo Jisɛ̀ naŋ kòmò e yèɛ naŋ kaaìŋ lɛ, wò naŋ kɔ̀ wo mɛ̀ɛ̀ŋ wo felaaà. Yèè wo Jisɛ̀ nauŋ dawè wààŋ, “Mùŋ kuwa e hààwe wo Jɔ̀àfèlàà Nyuùŋ Kpùnɔɔ̀ŋ ko sùà?”

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.