Jɔ̀ɔŋ 11:11 - WƆŊ FƐ̀Ì EBÒ SÌÀŊ DAYÀA

¹¹ Kpeiŋ ngàà wo Jisɛ̀ naŋ nyiŋ woò wààŋ, “Wo dàwi wiɔ̀ wo Lazɔlɔ̀ sɛ̀ɛ̀ maŋ jàwè, kɛɛ mìŋ yaà kɔɔyɛ wèè kauŋ tùngà.”

Jɔ̀ɔŋ 11:11 ပူးပေါင်းရင်းမြစ်များ

Maafiù 27:52

Maŋ hùaŋ màŋ naŋ wa yilè, yèè maŋ kpùnàŋ anyùùŋ nɛɛmaŋ nyàŋ zimgbe nyiŋ naŋ wa fɔ̀ nyaŋ naŋ yèwè e fàaà dìì maŋ nyiiŋ gèe sùà.

Maafiù 9:24

Wo Jisɛ̀ naŋ wòò anyùùŋ nyaŋ wààŋ, “Fòlaìŋ niŋ hɔnè maŋ de màŋ yèè e gòlaà! Wo jɔùŋjɔaà gò fà, wò yaà nɔŋ maŋ jàwè!” Kpeiŋ anyùùŋ nyaŋ gbiŋ nauŋ kùùnò hììle, esaɓù kɛ̀ àŋ nyìmàŋ kɛ̀ wo jɔùŋjɔaà wa fà.

Jɔ̀ɔŋ 11:10

Kɛɛ sèè mùŋ kaaìŋ e dùùm, mùŋ do nàŋ duonò, esaɓù kɛ̀ e gbolòùŋ fòùm kò feìŋ.”

Jɔ̀ɔŋ 11:12

Anyùùŋ màŋjɛ̀wɛ̀uŋ nyàŋ nauŋ woò nyààŋ, “Kanaà, sèè wo Lazɔlɔ̀ sɛɛ̀ maŋ jàwè, wò do nàŋ kɛɛyɛ̀.”

Jɔ̀ɔŋ 11:13

E fàsàì Jisɛ̀ɛ wa kɛ̀ wo Lazɔlɔ̀ sɛ̀ɛ̀ maŋ jàwè, nàŋ yaà kɛ̀ wo Lazɔlɔ̀ wò fà. Kɛɛ nyiŋ àŋ naŋ wa gongò kɛ̀ e jìwie foo le wa nɔŋ.

Jɔ̀ɔŋ 11:3

Aŋ jàà Lazɔlɔ̀ nyaŋ naŋ wa tùɔ̀ŋ ke miè gbìaŋ koɓɛ̀ Jisɛ̀i yèè àŋ nauŋ woò nyààŋ, “Kanaà, wo dàwi siaŋ mɔɔ̀ŋ Lazɔlɔ̀ wo yèɔ mùŋ manaŋ zimgbe wɔ̀ kòò wò yaà siinyɛŋ.”

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

1 Kɔliìŋ 15:18

È he weè ɓɛìŋ nàŋ tɔɔ̀ kɛ̀ anyuùŋ hààwè Jisɛ̀ Kulaì sùà nyaŋ naŋ fɔ̀ lɛ àŋ go.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

1 Kɔliìŋ 15:51

Kùmiàŋ ke gbùnù tɔ̀ɔ̀nyaàŋ yɛɛ̀, yàwi nààŋ gbiŋ nààŋ naìŋ fɔ̀, kɛɛ sèè e pòtanàaŋ dìàmaàŋ wuiye wa nàwèè, yàwi nààŋ gbiŋ doiŋ nàŋ vɔɔnɔ̀ŋ fiò, mààŋ e kpɔ̀wa gbàì le fɛ̀ɛ̀. Sèè e pòtanàaŋ dìàmaàŋ wuiye wa nàwèè, wo Dayà do wa nàwèè nàŋ gè anyuùŋ fàa nyaŋ gbiŋ e fàa dìì wèè julɔfɔ, yèè yàwi nààŋ gbiŋ doiŋ nàŋ vɔɔnɔ̀ŋ.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

1Tɛsè 5:10

wo yèɔ naŋ fɔ̀ weè wi e wèè wuŋ yèè yàwi nààŋ gbiŋ eiŋ nɔ̀ŋ koɓɛ̀ guùŋ eiŋ pɛɛ nɔ̀ŋ nyiiŋ gèeɔ̀ sùà, ɔ̀ɔ̀ eiŋ fà e teengaà wò hnàŋ wa nàwèè lɛ.

Jìiiŋ 2:23

Yèè e mìè nyààŋ wɔŋ fɛ̀ì Dayàa naŋ nɔ̀ŋ tɔ̀ɔ̀nyaàŋ nààŋ wɔ̀ŋ naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè esàɓù hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ.” Yèè wo Dayà naŋ wa nyààŋ Eɓulɔhɛɛ̀ŋ wo dàwiuŋ.