Jɔ̀ɔŋ 10:6 - WƆŊ FƐ̀Ì EBÒ SÌÀŊ DAYÀA

⁶ Wo Jisɛ̀ naŋ nyiŋ wa wòò ke kàɓanè yɛɛ̀, kɛɛ aŋ gò wa nyìmàŋ è yèɛ wò Jisɛ̀ naŋ wa fasàì lɛ.

Jɔ̀ɔŋ 10:6 ပူးပေါင်းရင်းမြစ်များ

Maafiù 13:34

Wo Jisɛ̀ naŋ wa wòò maŋ keì mɛɛ̀ŋ gbiŋ koɓɛ̀ anyùùŋ nyaŋ maŋ kàɓanè sùà. Yèè ngèè wo gò nyiŋ wa wòò è keì gbiŋ janyai sɔɔ̀ nɔŋ maŋ kàɓanè sùà.

Maafiù 13:51

Wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Nàŋ nyìmàŋ maŋ keì mɛɛ̀ŋ gbiŋ?” Yèè àŋ naŋ fasàì nyààŋ, “Hɛ̀ɛɛ̀ŋ, èiŋ miŋ nyìmàŋ.”

Jɔ̀ɔŋ 16:25

Wo Jisɛ̀ naŋ ɓɛìŋ woò wààŋ, “Mìŋ naŋ gbòò ko nɛ̀ɛ̀iŋ niìŋ maŋ sai sùà wèè kaiŋ wòò maŋ keì mɛɛ̀ŋ. Kɛɛ e teengaà do nàŋ hnè wèè ka gbòà ko nɛ̀ɛ̀iŋ niìŋ janyai wèè kaiŋ wòò e kèè Dèda miɔ̀ŋ, yèè miŋ naàŋ wa nàwèè ɓɛìŋ gbòò kò nɛ̀ɛ̀iŋ niìŋ maŋ sàì e keì wòo sùà.

Jɔ̀ɔŋ 16:29

Kpeiŋ anyùùŋ màŋjɛ̀wɛ̀uŋ nyàŋ naŋ woò nyààŋ, “Mùŋ yaà ngàà naàŋ gbùùyè ko nɛ̀ɛ̀ŋ wiì janyai, muŋ fè ɓɛìŋ gbùùyè màŋ sai sùà.

Jɔ̀ɔŋ 6:52

Aŋ Juùù nyaŋ naŋ wa tuù wèè e yèɛ wo Jisɛ̀ naŋ wa woò lɛ, yèè àŋ naŋ tɔ̀ɔ̀tù nyiŋ bi kpàànè kpàànè e fèemàŋ. Àŋ naŋ dawè nyààŋ, “Dièsɔa wo felaa wɛɛ̀ naŋ wi ɓɛ̀nɛ̀ŋ kìɛ̀ŋ e kenùuŋ nɛ̀ wèè eiŋ niŋ gbìlà?”

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 7:36

Kiìŋ wò yaà kààmè ɗewe wèè wo wi woò kɛ̀, è douŋ nàŋ kamè kɛɛ e naàùŋ yɛmɛ̀? Wèè kiìŋ wààŋ e naàìŋ ɓɛ̀nɛ̀ŋ kà koɓɛ̀i wò do nàŋ nɔ̀ŋ lɛ?”

Jɔ̀ɔŋ 8:27

Anyùùŋ nyaŋ gò wa nyìmàŋ kɛ̀ wò Jisɛ̀ yaà nyiìŋ wa wòò è kèè wò Dèdà àìjɛnɛ̀ɔŋ.

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

2Pììlɛ 2:22

E nɛ̀ɛŋ naŋ nyiŋ kaaìŋ nɛ naŋ tɔɔ̀ kɛ̀ maŋ sai màŋ yaà tɔɔɓaa, “Wo sunɔ̀ɔŋ kɛɛ̀ koɓɛ̀ e nyùɛ̀uŋ nɛ̀” yèè “Wo nyuàaŋ àŋ guo fo wɔ̀ wò kɛɛ̀ ɓɛìŋ e baà sùà wo ngeengèè.”

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.