Jɔ̀ɔŋ 10:4 - WƆŊ FƐ̀Ì EBÒ SÌÀŊ DAYÀA

⁴ Wò sià nyiìŋ ko feìŋ sèè wò fulià nyiìŋ ko jɔɔlèe, kɛ̀ aŋ gbiŋ àuŋ dè maŋjɛ̀wɛ, esaɓù kɛ̀ aŋ ɓaawaa nyàŋ nyìmàŋ ke meìuŋ nɛɛ̀ŋ tɛ̀ɛ̀.

Jɔ̀ɔŋ 10:4 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 10:3

Wo nyùnɔ̀ɔŋ jaà wɔŋ gbàngiɔ̀ feìŋ wɔ, yilà wɔŋ gbàngiɔ̀ wèè wo nyuùŋ tùnìàŋ aŋ ɓaawaa nyàŋ wo jɔ̀à koɓɛ̀i aŋ ɓaawaa nyàŋ joà lɛ. Aŋ ɓaawaa nyàŋ nyìmàŋ ke mièuŋ nɛɛ̀ŋ tɛ̀ɛ̀. Wò nyaaŋ aŋ gbiŋ maŋ dèè guùŋ guùŋ yèè wò koà nyiìŋ wèè aŋ gbìlà maŋ tàta màŋ sùà.

Jɔ̀ɔŋ 10:5

Aŋ ɓaawaa nyàŋ fè dè wò nyùùnèènyɛiŋ màŋjɛ̀wɛ. Aŋ gbiŋ àŋ duɔŋ aŋ ka esaɓù kɛ̀ aŋ nyimààŋ kè mièuŋ nɛɛ̀ŋ.”

Jɔ̀ɔŋ 10:8

Anyùùŋ nyaŋ gbiŋ naim wa hnè ko feìŋ nyaŋ àŋ yaà wa anyuùŋ wùa, yèè aŋ ɓaawaa nyàŋ gò wa kòmàŋ kè mìè wò bà guùŋ pɛɛ.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 13:15

Kàiŋ tɔ̀ɔ̀ e tɔ̀ɔ̀màŋseìɛ, nìŋ kuwa naŋ nyɛ̀nɛ̀ŋ e kèì guùŋ nɛ màànààŋ nɔŋ mìŋ naŋ niŋ nyɛ̀nɛ̀ŋ lɛ nyɛ̀iŋ bi e fèemàŋ.

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

1 Kɔliìŋ 11:1

Kpeiŋ kɛ̀ fɔ̀ɔ̀nɔŋ e tɔ̀ɔ̀màŋseìim mɛ̀, màànààŋ mìŋ fɔɔnɔ̀ŋ e tɔ̀ɔ̀màŋsèì Jisɛ̀ Kulaì lɛ.

Ɛfesɔ̀ 5:1

Nààŋ nìŋ yaà aŋ jɔ̀à è jìì Dayà lɛ, fɛ̀ɛìŋ niŋ nyɛ̀nɛ̀ŋ mààŋ Dayà nyɛnɛŋ lɛ̀.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.

1Pììlɛ 4:1

Wo Jisɛ̀ Kulaì naŋ mɔɔnɛ̀ŋ maŋ kèìŋ maŋ sùà. Weètii sɔɔ̀ nyɛ̀iŋ pɛɛ naŋ banebànè wèè naŋ mɔɔnɛ̀ŋ màànààŋ wò naŋ nyɛ̀nɛ̀ŋ lɛ, e fèfoo e mɔ̀ɔ̀nɛŋ tɔɔ̀ kɛ̀ nàŋ hɔ̀ànè maŋ jùumù nyɛ̀nɛŋ.

1Pììlɛ 5:3

Ɓɔ̀ nìŋ fɛ̀ɛ̀ wèè naŋ kìlìà kana ànyùùŋ nyaŋ yaà è gaàiŋ nɛ̀ dìì nyaŋ diɛ̀ŋ, kɛɛ nɔ̀iŋ e tɔ̀ɔ̀màŋseì koɓɛ̀ aŋ ɓààwàà Dayà nyaŋ.