Jɔ̀ɔŋ 10:3 - WƆŊ FƐ̀Ì EBÒ SÌÀŊ DAYÀA

³ Wo nyùnɔ̀ɔŋ jaà wɔŋ gbàngiɔ̀ feìŋ wɔ, yilà wɔŋ gbàngiɔ̀ wèè wo nyuùŋ tùnìàŋ aŋ ɓaawaa nyàŋ wo jɔ̀à koɓɛ̀i aŋ ɓaawaa nyàŋ joà lɛ. Aŋ ɓaawaa nyàŋ nyìmàŋ ke mièuŋ nɛɛ̀ŋ tɛ̀ɛ̀. Wò nyaaŋ aŋ gbiŋ maŋ dèè guùŋ guùŋ yèè wò koà nyiìŋ wèè aŋ gbìlà maŋ tàta màŋ sùà.

Jɔ̀ɔŋ 10:3 ပူးပေါင်းရင်းမြစ်များ

Jɔ̀ɔŋ 10:14

Miàŋ nàŋ yaà wo nyuùŋ tùnìàŋ aŋ ɓaawaa siaàŋ. Kà nyìmàŋ aŋ ɓaawaaim nyàŋ, yèè àim nyìmàŋ. Màànààŋ nɔŋ wo Dèdaà naim nyìmè lɛ, miàŋ pɛɛ kà nyìmàŋ wo Dèdaà. Yèè kà nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaaim nyàŋ.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 10:4

Wò sià nyiìŋ ko feìŋ sèè wò fulià nyiìŋ ko jɔɔlèe, kɛ̀ aŋ gbiŋ àuŋ dè maŋjɛ̀wɛ, esaɓù kɛ̀ aŋ ɓaawaa nyàŋ nyìmàŋ ke meìuŋ nɛɛ̀ŋ tɛ̀ɛ̀.

Jɔ̀ɔŋ 10:9

Miàŋ nàŋ yaà wɔŋ gbàngiɔ̀. Aŋ yè nyaŋ gbiŋ doim nàŋ kɔ̀ɛ̀ ko sùà aŋ jɔ̀à nyaŋ do nàŋ nɔ̀ŋ jòèye nyiŋ. Esaɓù mɛ̀ sùà àŋ do nàŋ hnè yèè aŋ ka aŋ mɛ̀ɛ̀ŋ maŋ tùwa ɓou wèè aŋ gbìlà.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:45

Wo wɛ̀ijìɔ bà guùŋ naŋ wa sìngè wò naŋ woò wààŋ, ‘Wo Dayà do nàŋ kàà anyùùŋ nyaŋ gbiŋ.’ Weètii wo nyùnɔ̀ɔŋ gbiŋ naŋ kòmò yèè wò naŋ gbèè e yèɛ wo Dèdaà naŋ woò lɛ wò do nàŋ hnè ko nɛ̀ɛ̀ŋ miìŋ.

Luùm 8:30

Anyùùŋ nyaŋ wo Dayà naŋ jàà e ɓula nyàŋ, nyiŋ wò naŋ nyààŋ. Anyùùŋ nyaŋ wò naŋ nyààŋ nyaŋ, nyiŋ wò naŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ, yèè wò naŋ nyiŋ nyɛ̀nɛ̀ŋ wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà.

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

3Jɔ̀ɔŋ 1:14

Mìŋ kuwa e hààweɛ̀ yèè mìŋ yààìŋ yɛ̀ɛ̀mɛ̀ dòmaŋ e teenga kpuu sùà, wèè yàwi nààŋ gbiŋ eiŋ kùwìè maŋ di ɓùla titi koɓɛ̀ guùŋ.

Maŋ kèì nyɛɛnɛŋ 20:15

Anyùùŋ nyaŋ gbiŋ maŋ deè nyiŋ màŋ fè wa sìnga miŋ wɔ̀ŋ fɛ̀ì anyuùŋ gè nyiiŋ nyàŋ sùà nyaŋ, àŋ naŋ nyiŋ wa gbìɛ̀ŋ ko hmɔɔ̀ŋ gbee.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”