Jɔ̀ɔŋ 10:24 - WƆŊ FƐ̀Ì EBÒ SÌÀŊ DAYÀA

²⁴ Aŋ Juùù nyaŋ bà nyiŋ nauŋ gbònò kɔɔ yèè àŋ nauŋ dawè nyààŋ, “Kiìŋ è teenga mùŋ do wi nàŋ gè e gòngo maŋ jii wi màŋ sùà? Wòò wi e tɔɔɓaaà sèè mààŋ muàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ!”

Jɔ̀ɔŋ 10:24 ပူးပေါင်းရင်းမြစ်များ

Maafiù 11:3

Kpeiŋ àŋ naŋ dàwè wo Jisɛ̀ nyààŋ, “Wòò wi, muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ, wo Dayà naŋ tàeɗùù wèè wo hnàŋ wo wi joeyè wɔ? Ɔ̀ɔ̀ e yɛmɛ̀iŋ wo nyuùŋ joo bà dòmaŋ?”

Luù 3:15

Nààŋ anyùùŋ nyaŋ naŋ wa kùmìè maŋ keì mɛɛ̀ŋ, àŋ naŋ wa gongò maŋ jii nyiŋ màŋ sùà sèè mààŋ wo Jɔ̀ɔŋ nàŋ yaà wa wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ.

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 10:31

Yèè aŋ Juùù nyaŋ naŋ ɓɛìŋ ɓèmè le dùò wèè aŋ hɔ̀wà wo Jisɛ̀.

Jɔ̀ɔŋ 10:33

Aŋ Juùù nyaŋ naŋ fasàì nyààŋ, “E fòùm hɔ̀wa sùà wèè è keì sìàŋ gbiŋ è yèɛ mùŋ naŋ nyɛ̀nɛ̀ŋ lɛ. Kɛɛ è yààùm hɔ̀wa sùà esaɓù kɛ̀ mùŋ naŋ nyɛ̀nɛ̀ŋ e keì naanààŋ. Mùŋ yaà nɔŋ wo nyuùŋkpùuŋ, kɛɛ mùŋ naŋ ɓèmè muàŋ bi wèè maŋ nɔ̀ŋ wo Dayà.”

Jɔ̀ɔŋ 16:25

Wo Jisɛ̀ naŋ ɓɛìŋ woò wààŋ, “Mìŋ naŋ gbòò ko nɛ̀ɛ̀iŋ niìŋ maŋ sai sùà wèè kaiŋ wòò maŋ keì mɛɛ̀ŋ. Kɛɛ e teengaà do nàŋ hnè wèè ka gbòà ko nɛ̀ɛ̀iŋ niìŋ janyai wèè kaiŋ wòò e kèè Dèda miɔ̀ŋ, yèè miŋ naàŋ wa nàwèè ɓɛìŋ gbòò kò nɛ̀ɛ̀iŋ niìŋ maŋ sàì e keì wòo sùà.

Jɔ̀ɔŋ 8:25

Aŋ Juùù nyaŋ naŋ dàwè wo Jisɛ̀ nyààŋ, “Ɓòò nàŋ yààùm?” Yèè wo Jisɛ̀ naŋ nyiŋ fasàì wààŋ, “E kèì guùŋ nɛ nɔŋ mìŋ naiŋ woò ko tɔɔtuì lɛ tiŋ nɔŋ mìŋ yààìŋ woo kɛ̀ tɔɔɓaa ɓòò nàŋ yààìm .

Jɔ̀ɔŋ 8:53

E sɛmɛmaŋ mɔ̀ɛ̀ naŋ nìè e jè wo dèda wiɔ̀ Eɓulɔhɛɛ̀ŋ? Wò naŋ wa fɔ̀, e hààwè aŋ wɛ̀ijì nyaŋ. Ɓòò mùŋ naŋ gongò kɛ̀ mùŋ yaà?”

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,