Jɔ̀ɔŋ 10:16 - WƆŊ FƐ̀Ì EBÒ SÌÀŊ DAYÀA

¹⁶ Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 10:16 ပူးပေါင်းရင်းမြစ်များ

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Luù 15:8

Wo Jisɛ̀ naŋ ɓɛìŋ woò wààŋ, “Sèè wo jɔùŋ wo weè kùwìè e kaiŋ fua nɛɛnɛŋ è zììyà yèè kè guùŋ kouŋ gò sìwè, kiìŋ wò nyɛnɛŋ? Wò sie e laumpò, wo hàmàŋ ko saauŋ niìŋ gbiŋ ko kaame nyiŋ e jèèsùà wo nyiŋ mɛɛ̀ŋ.

Jɔ̀ɔŋ 10:11

“Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 10:2

Wo nyùnɔ̀ɔŋ kɔɛ̀ wɔŋ gbàngiɔ̀ yɛmgbɛ̀ wɔ nàŋ yaà wo nyuùŋ tùnìàŋ aŋ ɓaawaa nyàŋ wuŋ bi.

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 10:3

Wo nyùnɔ̀ɔŋ jaà wɔŋ gbàngiɔ̀ feìŋ wɔ, yilà wɔŋ gbàngiɔ̀ wèè wo nyuùŋ tùnìàŋ aŋ ɓaawaa nyàŋ wo jɔ̀à koɓɛ̀i aŋ ɓaawaa nyàŋ joà lɛ. Aŋ ɓaawaa nyàŋ nyìmàŋ ke mièuŋ nɛɛ̀ŋ tɛ̀ɛ̀. Wò nyaaŋ aŋ gbiŋ maŋ dèè guùŋ guùŋ yèè wò koà nyiìŋ wèè aŋ gbìlà maŋ tàta màŋ sùà.

Jɔ̀ɔŋ 10:4

Wò sià nyiìŋ ko feìŋ sèè wò fulià nyiìŋ ko jɔɔlèe, kɛ̀ aŋ gbiŋ àuŋ dè maŋjɛ̀wɛ, esaɓù kɛ̀ aŋ ɓaawaa nyàŋ nyìmàŋ ke meìuŋ nɛɛ̀ŋ tɛ̀ɛ̀.

Jɔ̀ɔŋ 10:5

Aŋ ɓaawaa nyàŋ fè dè wò nyùùnèènyɛiŋ màŋjɛ̀wɛ. Aŋ gbiŋ àŋ duɔŋ aŋ ka esaɓù kɛ̀ aŋ nyimààŋ kè mièuŋ nɛɛ̀ŋ.”

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 17:20

“Miŋ fè nɔŋ zoolo wèè ànyùùŋ màŋjɛ̀wɛ̀im nyɛɛ̀ŋ nyiŋ guùŋ. Mìŋ yaà pɛɛ zoolo wèè anyùùŋ nyaŋ gbiŋ do nàŋ kɛ̀ɛ̀nɛ̀ŋ e hààwe esàɓù e yèɛ anyùùŋ màŋjɛ̀wɛ̀im nyàŋ naŋ nyiŋ woò lɛ e nyaàiŋ eim dè.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Nyɛ̀nɛ̀ŋ 15:14

Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.

Nyɛ̀nɛ̀ŋ 18:10

Kòò mìŋ yààùm maŋjɛ̀wɛ, wo nyùùŋ gbiŋ naàum gbùwò kè gùuŋ wèè woum nɛɛmùŋ, esaɓù anyùùŋ nyaŋ zimgbe nyiŋ ko jawa gbee àŋ yaà anyunùim.”

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

1Pììlɛ 2:10

E teenga bà sùà niŋ fè wa ànyùùŋ Dayà, kɛɛ e teenga lɛɛ̀ sùà nàŋ naàŋ nɔ̀ŋ anyunùuŋ. E teenga bà sùà, niŋ nyimààŋ wa kè nyòwoɛ̀ Dayà kuwa lɛ̀, kɛɛ e teenga lɛɛ̀ sùà wòiŋ tɔ̀ɔ̀ ke nyowouŋ nɛɛ̀ŋ.

1Pììlɛ 2:25

Nìŋ yaà wa mààŋ aŋ ɓaawaa ɓà ke dòmaŋ aŋ yè nyaŋ naŋ go nyàŋ, kɛɛ wo Dayà wòiŋ ɓɛìŋ kɛlɛ̀ɛ̀ wèè naŋ nɔ̀ŋ wo nyuùŋ yɛ̀mɛ̀ aŋ ɓaawaa diɛɔ̀ŋ maŋjɛ̀wɛ yèè wo nyuùŋ yɛ̀mɛ̀ maŋ nyiiŋ diɛiŋ nɔɔ̀ŋ.

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.