Jɔ̀ɔŋ 10:14 - WƆŊ FƐ̀Ì EBÒ SÌÀŊ DAYÀA

^14-15 Miàŋ nàŋ yaà wo nyuùŋ tùnìàŋ aŋ ɓaawaa siaàŋ. Kà nyìmàŋ aŋ ɓaawaaim nyàŋ, yèè àim nyìmàŋ. Màànààŋ nɔŋ wo Dèdaà naim nyìmè lɛ, miàŋ pɛɛ kà nyìmàŋ wo Dèdaà. Yèè kà nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaaim nyàŋ.

Jɔ̀ɔŋ 10:14 ပူးပေါင်းရင်းမြစ်များ

Jɔ̀ɔŋ 10:11

“Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 10:13

Aŋ ɓɔìjɔ̀à tòmo nyàŋ duɔŋ aŋ nyiŋ jòà esaɓù kɛ̀ aŋ gò kpɛɛ̀ŋ weè aŋ ɓaawaa nyàŋ.

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 2:13

Kà nyìmàŋ kɛ̀ koɓɛ̀i mùŋ joà lɛ, kuŋ wo Sɛ̀tanàŋ kuwa ke kpùà kanauŋ nɛɛ̀ŋ. Mùŋ yaà e tɔ̀ɔ̀nyaàŋ sùà ko nɛ̀ɛ̀ŋ miìŋ, e kìlà muŋ gò gììyà è hààwe mɔ̀ɛ̀ màŋhɛɛ e deè mɛ̀ sùà, e yìwìà e teengaà pɛɛ àŋ naŋ wa jìwè wo Aŋtipà, wo sèì tɔ̀ɔ̀nyaàŋ miɔ̀ŋ, koɓɛ̀i wo Sɛ̀tanàŋ joà lɛ.

Maŋ kèì nyɛɛnɛŋ 2:19

Kà nyìmàŋ e nɛ̀ɛŋ gbiŋ nìŋ nyɛnɛŋ lɛ̀, e kpùlìà e mànaàŋ nìŋ kuwa lɛ̀, e hààweiŋ nɛ̀, e tòmoiŋ nɛ̀, yèè maŋ jii tɔumtɔ̀ùm maŋ nìŋ kuwa màŋ. Kà nyìmàŋ kɛ̀ nìŋ yaà naàŋ nyìnìè e zimgbe niŋ e nìàŋ e yèɛ nìŋ naŋ wa nyɛ̀nɛ̀ŋ jiɛ̀ lɛ.

Maŋ kèì nyɛɛnɛŋ 2:2

Kà nyìmàŋ e nɛ̀ɛŋ nìŋ naŋ nyɛ̀nɛ̀ŋ lɛ. Kà nyìmàŋ e tòmo nyìngaà nìŋ naŋ nyɛ̀nɛ̀ŋ lɛ yèè maŋ jii tɔumtɔ̀ùm maŋ nìŋ naŋ kùwò maŋ. Kà nyìmàŋ kɛ̀ nyɛ̀iŋ yèè anyuùŋ nyɛ̀nɛ̀ŋ keì naanààŋ gbiŋ fè tòòmò kòɓɛ̀ guùŋ, e kìlà nàŋ wàà anyùùŋ nyaŋ bà nyiŋ naŋ woò nyààŋ àŋ yàa aŋ keela tàeɗùù nyaŋ, kɛɛ nàŋ yɛmɛ̀ kɛ̀ àŋ yaà anyuùŋ tòa.

Maŋ kèì nyɛɛnɛŋ 2:9

Kà nyìmàŋ maŋ keì nyìngaiŋ màŋ. Kà nyìmàŋ kɛ̀ nìŋ naŋ kɛ̀ɛ̀ò sìwè, kɛɛ tɔɔɓaa nìŋ naŋ banè. Kà nyìmàŋ maŋ keì naanààŋ maŋ àŋ woà maŋ e nyaàiŋ eiŋ dè e yìwìà anyùùŋ nyaŋ nyaaŋ nyiŋ bi aŋ Juùù, kɛɛ aŋ fè àŋ Juùù nyaŋ. Àŋ yaà ke gbòò anyùùŋ màŋjɛ̀wɛ̀ Sɛ̀tanàŋ.

Maŋ kèì nyɛɛnɛŋ 3:1

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Saɗì. “Ke miè gbìaàŋ kɛɛ̀ e yìwìà wo yèɔ kuwa aŋ jìnàŋ nɔɔnɔŋ le tìyèe nyàŋ wèè Dayà yaà maŋ ɗù nɔɔnɔŋ le tìyèe màŋ wɔ. Kà nyìmàŋ e nɛ̀ɛŋ nìŋ yaà nyinie lɛ̀. Kà nyìmàŋ kɛ̀ nìŋ yaà mààŋ wo nyùùŋ nàŋ yaà wɔŋ nyiiŋ gèeɔ̀ sùà, jòòpɛɛ nàŋ fà!

Maŋ kèì nyɛɛnɛŋ 3:15

Kà nyìmàŋ e nɛ̀ɛŋ gbiŋ nìŋ naŋ nyɛ̀nɛ̀ŋ lɛ. Kà nyìmàŋ kɛ̀ niŋ fè ɗouŋ e kìlà niŋ gò bìà. Mìŋ henàŋ mɔ̀nɔ̀ŋ wèè naŋ weè nɔ̀ŋ ɗouŋ ɔ̀ɔ̀ naŋ bìà!

Maŋ kèì nyɛɛnɛŋ 3:8

Kà nyìmàŋ e nɛ̀ɛŋ gbiŋ nìŋ nyɛnɛŋ lɛ̀. Kà nyìmàŋ kɛ̀ nìŋ kuwa e gaàŋ jɔ̀à. Nàŋ jɔ̀ɔ̀lɔ̀ ke mìè gbòa miɛ̀ŋ dìì e kìlà nìŋ kùwàìm e hààwe sùà. Kà yìlè wɔŋ gbemgbee ko fenìiŋ, wɔŋ yèɔ wo nyùùŋ gbiŋ fè ɓɛ̀nɛ̀ŋ yìla wɔ̀ŋ.