Jɔ̀ɔŋ 10:11 - WƆŊ FƐ̀Ì EBÒ SÌÀŊ DAYÀA

¹¹ “Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 10:11 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Jɔ̀ɔŋ 10:2

Wo nyùnɔ̀ɔŋ kɔɛ̀ wɔŋ gbàngiɔ̀ yɛmgbɛ̀ wɔ nàŋ yaà wo nyuùŋ tùnìàŋ aŋ ɓaawaa nyàŋ wuŋ bi.

Jɔ̀ɔŋ 15:13

Sèè wo nyùùŋ wo fà wèè wo tɔɔ̀ e mànaŋ koɓɛ̀ aŋ dàwiuŋ nyàŋ, tɛɛ̀ è tɔɔ̀ kɛ̀ wo fè ɓɛìŋ ɓɛ̀nɛ̀ŋ tɔ̀ɔ̀ è mànaŋ bà gbiŋ è do dɛkɛ̀ è do nìàŋ wɔ̀ŋ nyiiuŋ nɔɔ̀ŋ wò naŋ kiɛ̀ŋ wɔŋ weè nyiŋ.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

1Jɔ̀ɔŋ 3:16

E ɗeweɛ̀ wo Jisɛ̀ Kulaì naŋ wa fɔ̀ lɛ naŋ wi tɔɔ̀ kɛ̀ kiìŋ nàŋ yaà e mànaŋ. Wo Kulaì naŋ wa hèè wɔŋ nyiiuŋ nɔɔ̀ŋ dìì e weè wi, yèè sɔɔ̀ eiŋ hàà maŋ nyiiŋ wi màŋ dìì wèè àŋ wùìya wi nyàŋ.

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”