Jɔ̀ɔŋ 10:10 - WƆŊ FƐ̀Ì EBÒ SÌÀŊ DAYÀA

¹⁰ Wo nyuùŋ wùaà wò hnàŋ nɔŋ wèè wo wùà, wo jìwà wo nyùùŋ, yèè wo pɔ̀ɔ̀pɔ̀ɔ̀ maŋ nɛ̀ŋ. Kɛɛ mìŋ naŋ hnè wèè kɛ̀ anyùùŋ nyaŋ gbiŋ aŋ kɛɛnɛ̀ŋ wɔŋ nyiiŋ gèe, yèè aŋ wɔŋ kɛɛnɛ̀ŋ e dìa suà wuŋ kpaŋ.

Jɔ̀ɔŋ 10:10 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:11

Esaɓù kɛ̀ miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka jòèyè anyùùŋ nyaŋ naŋ go nyàŋ.]

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 21:13

Yèè wò naŋ nyiŋ tɔ̀ɔ̀tù kàa wààŋ, “È yaà wa sìnga niŋ wɔŋ fɛ̀ì Dayàa sùà kɛ̀, wo Dayà naŋ woò wààŋ, ‘Àŋ do nàŋ nyààŋ ke saaŋ miɛ̀ŋ ke Saaŋ Zòòlò Dayàa.’ Kɛɛ nào mììnè ko nyɛ̀ɛ̀nɛ̀ŋ aŋ nyuùŋ wùà!”

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Jɔ̀ɔŋ 10:1

Wo Jisɛ̀ naŋ woò wààŋ, “Miŋ woòiŋ e tɔɔɓaaà kɛ̀ wo nyùnɔ̀ɔŋ gbiŋ wo gò jɔ̀ɔ̀yɛ̀ wɔ̀ŋ gɔ̀ɔ̀ɔŋ yɛmgbɛ̀ wèè wo kà kòɓɛ̀i àŋ ɓaawaa nyàŋ joà lɛ, kɛɛ wò naŋ jɔ̀ɔ̀yɛ̀ wɔŋ faà joo bà wɔ, wò yaà wo nyuùŋ wùa.

Jɔ̀ɔŋ 10:11

“Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 12:47

Miàŋ nààŋ naàŋ gbàì ànyùùŋ nyaŋ naŋ gè màŋhɛɛ wèè aŋ hààwè kè miè gbìaàŋ mìŋ naŋ nyiŋ woò lɛ. Mìŋ naŋ hnè wèè ka jòèyè anyùùŋ e ɗuunyaŋ lɛɛ̀, kɛɛ miŋ gò hnàŋ wèè ka nyiŋ gbaì.

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 5:40

Yèè yɛi nɔŋ è yaà nìŋ naŋ gè maŋhɛɛ wèè naŋ hnàŋ kò nɛ̀ɛ̀ŋ miìŋ wèè naŋ kɛ̀ɛ̀nɛ̀ŋ wɔŋ nyiiŋ gèe.

Jɔ̀ɔŋ 6:33

Yèè e nɛ̀ŋjeɛ̀ wo Dayà naŋ kiɛ̀ŋ lɛ nàŋ yaà miàŋ wo yèɔ naŋ dèyè e yìwìà ko àìjɛnɛ̀ŋ wɔ wèè ka kìɛ̀ŋ wɔŋ nyiiŋ gèè koɓɛ̀ anyùùŋ nyaŋ e ɗuunyaàŋ.”

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Luùm 2:21

Nìŋ kaà anyuùŋ joo, kɛɛ wèè kiìŋ niŋ fè kàà nyɛ̀iŋ bi? Nìŋ woò nààŋ, “Ɓɔ̀ mùŋ wùà.” Kɛɛ nyɛ̀iŋ bi niŋ fè wùà?

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

Hiɓu 6:17

Sèè wo Dayà mɔnɔŋ wa wèè wo tɔɔ̀ janjai kɛ̀ wò do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ, wo fè kìlà kè jiiuŋ nɛɛ̀ŋ, kɛɛ wò gboonàŋ e nyaàiŋ dè e ɗààhiì bi.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.