Jɔ̀ɔŋ 10:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ woò wààŋ, “Miŋ woòiŋ e tɔɔɓaaà kɛ̀ wo nyùnɔ̀ɔŋ gbiŋ wo gò jɔ̀ɔ̀yɛ̀ wɔ̀ŋ gɔ̀ɔ̀ɔŋ yɛmgbɛ̀ wèè wo kà kòɓɛ̀i àŋ ɓaawaa nyàŋ joà lɛ, kɛɛ wò naŋ jɔ̀ɔ̀yɛ̀ wɔŋ faà joo bà wɔ, wò yaà wo nyuùŋ wùa.

Jɔ̀ɔŋ 10:1 ပူးပေါင်းရင်းမြစ်များ

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Jɔ̀ɔŋ 10:7

Yèè wo Jisɛ̀ naŋ nyiŋ ɓɛìŋ woò wààŋ, “Miŋ yààìŋ wòò e tɔɔɓaaà. Miàŋ nàŋ yaà wɔŋ gbàngiɔ̀ wèè koɓɛ̀i aŋ ɓaawaa nyàŋ joà lɛ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Luùm 10:15

Dièsɔa wo nyùùŋ bà naŋ nyiŋ ɓɛ̀nɛ̀ŋ wòò ke miè gbìaàŋ sèè wo Kànà È Gunɔ̀ɔŋ go tùàŋ anyùùŋ ko nɛ̀ɛ̀ŋ nyiŋ niìŋ? Wɔŋ fɛ̀ì Dayàa naŋ woò wààŋ, “È yaà e keì sìàŋ wèè maŋ yɛ̀mɛ̀ wo nyùùŋ bà, wò yaà hinie wèè wo wòò ke mìè gbìàŋ ebò siaàŋ!”

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

Hiɓu 5:4

Wo nyùùŋ gbiŋ fè ɓɛ̀nɛ̀ŋ dɛ̀ɛ̀kɛ̀ wuŋ bi wèè wo nyɛ̀nɛ̀ŋ wuŋ bi wo nɔ̀ŋ wò kànà sìèfèìŋ zòòlo. Wo Dayà nɔŋ nàŋ tà wo nyùùŋ ɗùù wèè wo nɔ̀ŋ wo kànà sìèfèìŋ zòòlo, yèè wuŋ naŋ wa tà wo Elɔ̀ùŋ ɗùù.

1Pììlɛ 1:10

È yaà wa wèè e jòèye lɛɛ̀, aŋ wɛ̀ijì nyaŋ naŋ wa gɔ̀àà e kɔɔ dìì, yèè àŋ naŋ niŋ tùɔ̀ŋ maŋ nɔnɔŋ tɛ̀ɛ̀. Àŋ naŋ woò e kèè e tɛ̀ɛ̀tɛ̀ɛ̀ lɛɛ̀ wo Dayà doiŋ nàŋ kiɛ̀ŋ lɛ.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.