Jɔ̀ɔŋ 1:50 - WƆŊ FƐ̀Ì EBÒ SÌÀŊ DAYÀA

⁵⁰ Wo Jisɛ̀ nauŋ fasaì wààŋ, “Mùŋ naŋ hààwè e yèɛ mìŋ naum woò lɛ esaɓù kɛ̀, mìŋ naŋ woò mìàŋ mìŋ naum yɛ̀mɛ̀ ke feè kùlɛ̀ɛ dìì? Mùŋ do ngèè nàŋ yɛ̀mɛ̀ maŋ keì gbeegbèè bà maŋ tɛɛ̀ nìàŋ.

Jɔ̀ɔŋ 1:50 ပူးပေါင်းရင်းမြစ်များ

Maafiù 13:12

Wo nyùnɔ̀ɔŋ gbiŋ kuwa e nɛ̀ŋ bà wɔ, wo Dayà douŋ ɓɛìŋ nàŋ tooyè, wèè kɛ̀ wo kɛɛnɛ̀ŋ niŋ zimgbe e nìàŋ e yèɛ wò kuwa lɛ̀. Kɛɛ wo nyùnɔ̀ɔŋ kuwà è nɛ̀ŋ bà gbiŋ wɔ̀, e tòloòɛ pɛɛ wò kuwa lɛ̀, wò douŋ niŋ nàŋ gè sìwè.

Maafiù 21:19

Kpeiŋ wò naŋ yɛ̀mɛ̀ ke feè kùù kè sia ko dòmaàŋ kɔɔì. Kɛɛ nààŋ wò naŋ nyiŋ haì, wo gò nyiŋ wa mɛ̀ɛ̀ŋ kè kuù kòmàŋ gbiŋ kò sùà, maŋ tùwa zimgbe màŋ nɔŋ wò nao wa mɛɛ̀ŋ. Kpeiŋ wò naŋ wòò ke kùlɛ̀ɛ wààŋ, “Julɔfɔ muŋ naàŋ wa nàwèè ɓɛìŋ kòmò kè kòmàŋ gbiŋ.” Ko fɛɛ̀feìŋ, ke feè kùlɛ̀ɛ naŋ wòò ke fà.

Maafiù 25:29

Esaɓù kɛ̀ wo nyùnɔ̀ɔŋ gbiŋ kuwa e nɛ̀ŋ bà wɔ, wo Dayà douŋ ɓɛìŋ nàŋ tooyè, wèè kɛ̀ wo kɛɛnɛ̀ŋ niŋ zimgbe e nìàŋ e yèɛ wò kuwa lɛ̀. Kɛɛ wo nyùnɔ̀ɔŋ kuwà è nɛ̀ŋ bà gbiŋ wɔ̀, e tòloòɛ pɛɛ wò kuwa lɛ̀, wò douŋ niŋ nàŋ gè sìwè.

Luù 1:45

Wo Kanaà Dayà naum gbìɛ̀ŋ e zòòlo maŋjɛ̀wɛ esaɓù kɛ̀, mùŋ naŋ haawè kɛ̀ wò do nàŋ nyɛ̀nɛ̀ŋ e yèɛ wò nàŋ woò lɛ.”

Luù 7:9

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, nààŋ gbà wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 1:51

Mìŋ yààìŋ wòò sùà e tɔɔɓaaà kɛ̀ nìŋ do nàŋ yɛ̀mɛ̀ ko àìjɛnɛ̀ŋ ko yilè yèè naŋ yɛ̀mɛ̀ aŋ màìkà Dayà nyaŋ àŋ jowo àŋ deye e kìlà naŋ nyiŋ yɛmɛ̀ àŋ yaà dèyà sùà miàim wo Jɔ̀àfèlàà Nyuùŋ Kpùnɔɔ̀ŋ diɛŋ.”

Jɔ̀ɔŋ 11:40

Wo Jisɛ̀ nauŋ woò wààŋ, “Miŋ gòum woò mìàŋ kɛ̀ sèè mùŋ kɛɛnɛ̀ŋ e hààwe mùŋ do nàŋ yɛ̀mɛ̀ e jòòwò Dayàa?”

Jɔ̀ɔŋ 20:29

Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”