Jɔ̀ɔŋ 1:49 - WƆŊ FƐ̀Ì EBÒ SÌÀŊ DAYÀA

⁴⁹ Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 1:49 ပူးပေါင်းရင်းမြစ်များ

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 2:2

yèè àŋ naŋ dawè nyààŋ, “Kàmààŋ kòò àŋ naŋ kùmìè wo jɔ̀àa wo yèɔ do nàŋ nɔ̀ŋ wo kànà aŋ Juùù nyaŋ wɔ̀? È naiŋ yɛ̀mɛ̀ wɔŋ ɗuuŋ nɔɔ̀ŋ ko fùlìè gɔɛɛ̀ yèè è naiŋ hnè wèè euŋ kìɛ̀ŋ ɓɛ̀ɛ̀jàa.”

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Maafiù 23:7

Aŋ manaŋ wèè aŋ nyiŋ zuumò e kìlà wèè aŋ nyiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ, yèè aŋ nyiŋ nyààŋ aŋ ‘Kààmɔɔŋ.’

Maafiù 23:8

Kɛɛ nyɛ̀iŋ nààŋ bà gbiŋ ɓɔ̀ mùŋ nyimèè wèè aum nyààŋ wò ‘Kààmɔɔŋ,’ esaɓù kɛ̀ nyɛ̀iŋ gbiŋ nìŋ yaà aŋ wùìyà guùŋ, yèè nìŋ kuwa nɔŋ wo kààmɔ̀ɔ̀ŋ guùŋ.

Maafiù 27:11

Wo Jisɛ̀ naŋ sìè wo kànà anyùùŋ ko Luùm nyaŋ ko fɛɛ̀feìŋ yèè wo Paalè nauŋ dawè wààŋ, “Muàŋ nàŋ yaà wo kànà aŋ Juùù nyaŋ?” Wo Jisɛ̀ naŋ fasàì wààŋ, “Nyɛ̀iŋ naŋ yɛi woò.”

Maafiù 27:42

“Wò naŋ jòèyè anyuùŋ joo, kɛɛ wo fè ɓɛ̀nɛ̀ŋ wuŋ bi jòèye! Wuŋ nààŋ fè wò kànà Ezɔ̀ɛ̀ɔ? Sèè wò dè naàŋ sààmɛ e yìwìà wɔŋ vànèkpaaà diɛŋ, kɛ̀ èuŋ haawè!

Maafiù 4:3

Kpeiŋ wo Sɛ̀tanàaŋ, wo nyuùŋ wàauŋ nɔɔ̀ŋ naŋ hnè ko nɛ̀ɛ̀uŋ niìŋ yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ wòò le dùò lɛɛ̀ e kìlà e gbɔ̀u wèè muŋ gbìlà.”

Luù 1:35

Wo màikàa naŋ fasàì wààŋ, “Wo Jìnàŋ Nɛɛmaàŋ doum nàŋ dèyè diɛŋ, yèè e gààŋ Dayà Gaàŋ Gbeeɔ̀ doum nàŋ ɓùwò. Weètii mùŋ do nàŋ nyààŋ wo jɔ̀à nɛɛmaŋ wɛɛ̀ wo Jɔ̀àfèlàà Dayàa.

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 1:34

Wo Jɔ̀ɔŋ naŋ woò wààŋ, “Mìŋ naŋ yɛ̀mɛ̀ e yèɛ naŋ kaaìŋ lɛ yèè mìŋ yaà wo seì kɛ̀ wuŋ nàŋ yaà wo Jɔ̀àfèlàà Dayàa.”

Jɔ̀ɔŋ 1:38

Nààŋ wo Jisɛ̀ naŋ kìlè yèè wò naŋ nyiŋ yɛmɛ̀ àŋ kùwaùŋ maŋjɛ̀wɛ, wò naŋ nyiŋ dawè wààŋ, “Kiìŋ nìŋ yaà kaame?” Àŋ nauŋ fasàì nyààŋ, “Kààmɔɔŋ, kòò mùŋ joà?”

Jɔ̀ɔŋ 1:50

Wo Jisɛ̀ nauŋ fasaì wààŋ, “Mùŋ naŋ hààwè e yèɛ mìŋ naum woò lɛ esaɓù kɛ̀, mìŋ naŋ woò mìàŋ mìŋ naum yɛ̀mɛ̀ ke feè kùlɛ̀ɛ dìì? Mùŋ do ngèè nàŋ yɛ̀mɛ̀ maŋ keì gbeegbèè bà maŋ tɛɛ̀ nìàŋ.

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 4:31

Jòòpɛɛ tɛɛ̀ kpɛlɛɛ yaà wa kaaiŋ, anyùùŋ màŋjɛ̀wɛ̀ Jisɛ̀ nyaŋ yàuŋ wa pɔɔwɔ nyààŋ, “Kààmɔɔŋ, jè weè e nɛ̀ŋ.”