Jɔ̀ɔŋ 1:47 - WƆŊ FƐ̀Ì EBÒ SÌÀŊ DAYÀA

⁴⁷ Nààŋ wo Jisɛ̀ naŋ yɛ̀mɛ̀ wo Nàntanyàŋ yaà hìnìè ko nɛ̀ɛ̀uŋ niìŋ, wò nauŋ woò wààŋ, “Tɔɔɓaa wo jɔ̀à kùmìàŋ ko Ezɔ̀ɛ̀ kɛnɛ wɛɛ̀. Yèè e kèè kàaɓì bà gbiŋ fòuŋ kò sùà.”

Jɔ̀ɔŋ 1:47 ပူးပေါင်းရင်းမြစ်များ

Jɔ̀ɔŋ 2:25

Esaɓù bà gbiŋ fè wa wèè wò nyùùŋ gbiŋ wò douŋ kìɛ̀ŋ kè mìè seì aŋ woò kɛ̀ ɓòò nàŋ yaà anyùùŋ nyɛɛ̀ŋ. Wò wa nyìmàŋ aŋ gbiŋ tɛ̀ɛ̀.

Jɔ̀ɔŋ 4:16

Wo Jisɛ̀ nauŋ woò wààŋ, “Kɔ̀à yèè muŋ nyààŋ wo faniŋ mɔɔ̀ŋ muŋ kɛɛ̀ ɓɛìŋ kià.”

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Jɔ̀ɔŋ 8:39

Anyùùŋ nyaŋ naŋ wòò wo Jisɛ̀ nyààŋ, “Wo Eɓulɔhɛɛ̀ŋ naŋ yaà wo dèda wiɔ̀.” Yèè wo Jisɛ̀ naŋ nyiŋ fasàì wààŋ, “Sèè naŋ weè nɔ̀ŋ aŋ jɔ̀à kòmàŋ Eɓulɔhɛɛ̀ŋ nyaŋ, nìŋ he weè nàŋ nyɛ̀nɛ̀ŋ e nɛ̀ɛŋ wò naŋ wa nyɛ̀nɛ̀ŋ lɛ.

Luùm 9:4

Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.

Luùm 9:6

Miŋ fè woo mìàŋ è ɗààhiìɛ wo Dayà naŋ ɓemè lɛ e fè toomo, kɛɛ anyùùŋ Ezɔ̀ɛ̀ nyaŋ gbiŋ nàŋ fè ànyùùŋ Dayà.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

1Pììlɛ 2:22

Wo gò nyɛ̀nɛ̀ŋ è kèì jùumù, yèè wo nyùùŋ gbiŋ gò kòmàŋ wèè è tòa euŋ fùlìà kò nyààŋ.

Maŋ kèì nyɛɛnɛŋ 14:5

Anyùùŋ nyɛɛ̀ŋ kòò àŋ wòò wa è tòa, yèè aŋ kuwà è tɔ̀mɛ bà gbiŋ.