Jɔ̀ɔŋ 1:46 - WƆŊ FƐ̀Ì EBÒ SÌÀŊ DAYÀA

⁴⁶ Wo Nàntanyàŋ naŋ dawè wààŋ, “E nɛ̀ŋ kɛnɛ gbiŋ ɓɛ̀nɛ̀ŋ fòlà ko Naazɔ̀ɛ̀?” Wo Felè naŋ fasàì wààŋ, “Hnaàŋ muŋ yɛmɛ̀ wèè muàŋ bi.”

Jɔ̀ɔŋ 1:46 ပူးပေါင်းရင်းမြစ်များ

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Luù 12:57

Wo Jisɛ̀ naŋ ɓɛìŋ woò wààŋ, “Wèè kiìŋ niŋ fè gbaì wèè nyɛ̀iŋ bi wèè naŋ nyɛ̀nɛ̀ŋ è kèì tɔ̀ɔ̀nyaàaŋ?

Jɔ̀ɔŋ 1:44

Wo Felè yewe wa ko jawa gbeeì àŋ nyaaŋ ko Bɛ̀sailià lɛ, ko yèi wo Anɗù yèè wo Pììlɛ hewa wa joo lɛ̀.

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 12:21

Anyùùŋ nyɛɛ̀ŋ naŋ wa kɔ̀ koɓɛ̀ wo Felèi, wo yèɔ yewe wa ko Bɛ̀sailià wɔ wɔŋ fùɔ̀ŋ Galaliìɔ sùà, yèè àŋ nauŋ woò nyààŋ, “Dàa, è manaŋ eiŋ yɛ̀mɛ̀ wo Jisɛ̀.”

Jɔ̀ɔŋ 14:8

Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”

Jɔ̀ɔŋ 4:29

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”

Jɔ̀ɔŋ 6:5

Wo Jisɛ̀ naŋ gè e fɛ̀ɛ̀ dìì yèè wò naŋ yɛ̀mɛ̀ anyuùŋ zimgbe yaà hìnìè ko nɛ̀ɛ̀uŋ niìŋ, wò naŋ dàwè wo Felè wààŋ, “Kòò è naiŋ ɓɛ̀nɛ̀ŋ kàa wèè e dènàŋ e nɛ̀ŋje sɛmɛ wèè anyùùŋ nyɛɛ̀ŋ gbiŋ aŋ jè?”

Jɔ̀ɔŋ 6:7

Wo Felè naŋ fasàì wààŋ, “Wèè anyùùŋ nyɛɛ̀ŋ bà guùŋ pɛɛ wo yɛ̀mɛ̀ e nɛ̀ŋje jɔa tòloò wèè euŋ kpɛ̀lɛ̀ sùà, sɔɔ̀ eiŋ mààŋ e nɛɛnɛŋ esɔ̀ngɔ̀ e nɛ̀ɛ̀nɛ̀ŋ wɔŋ dòà guùŋ wèè eiŋ dènàŋ e nɛ̀ŋje wèè anyùùŋ nyɛɛ̀ŋ gbiŋ.”

Jɔ̀ɔŋ 7:52

Yèè aŋ màmàŋkùmɛŋ nyàŋ naŋ fasàì nyààŋ, “Nìkɔ̀dimɔ̀, muàŋ pɛɛ mùŋ yewe ko Galaliì? Kɛ̀ kpɛnɛ̀ŋ weè wɔŋ fɛ̀ì Dayàa. Yèè mùŋ do naŋ nyìmè kɛ̀ wo wɛ̀ijì gbiŋ wo naàŋ yèwè kò Galaliì.” [

1Tɛsè 5:21

E nɛ̀ŋ gbiŋ sɔɔ̀ naŋ niŋ tùàŋ maŋ nɔnɔŋ, e yèɛ siaŋ lɛ̀ naŋ niŋ ɓemè