Jɔ̀ɔŋ 1:45 - WƆŊ FƐ̀Ì EBÒ SÌÀŊ DAYÀA

⁴⁵ Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 1:45 ပူးပေါင်းရင်းမြစ်များ

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 13:55

Wuŋ nàŋ fè wò jɔ̀àfèlàà kapinàa? Wo Mèèle nààŋ fè wò yèyeuŋ nɔɔ̀ŋ, yèè aŋ wùìyauŋ nyàŋ nààŋ fè wò Jìiiŋ, wò Jòòsɛ, wò Saimɔ̀ŋ yèè wò Juɗà?

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Luù 18:37

Yèè anyùùŋ nyaŋ naŋ woò nyààŋ, “Wo Jisɛ̀ e yìwìà ko Naazɔ̀ɛ̀ nàŋ yaà màaŋ sùà.”

Luù 2:4

Wo Jòòsɛ naŋ wa yèwè ko Naazɔ̀ɛ̀ wɔŋ fùɔ̀ŋ Galaliìɔ sùà, yèè wò naŋ kɔ̀ ko Bɛfilehɛɛ̀ŋ wɔŋ fùɔ̀ŋ Jùdiàa sùà, ko jàwà kùmìàŋ wo Kanaà Dèèweì. Kuŋ wo Jòòsɛ naŋ wa kɔ̀, esaɓù kɛ̀ wò yewe wa ke kpòò Dèèweɛ̀ sùà.

Luù 2:48

È naŋ wa fòònò anyuùŋ kòmauŋ nyàŋ nààŋ àŋ nauŋ wa yɛmɛ̀, yèè wo nààŋ nauŋ dawè wààŋ, “Jɔ̀à wɛɛ̀, wèè kiìŋ mùŋ naŋ wi yɛi nyɛ̀nɛ̀ŋ? Wo dèdaum yèè miàŋ è yaà ke jii sɛ̀ɛ gbee sùà e ɗɔ̀ɔ̀ tìyèeɛ̀ ko kaameum.”

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Luù 3:23

Wo Jisɛ̀ yaà wa maŋ doa kpɛ̀ɛ̀ùŋ guùŋ jɛ̀wɛ̀ zììyà paŋgàà wò naŋ wa tɔ̀ɔ̀tù ke mìè Dayàa gbòa. Anyùùŋ nyaŋ gbiŋ naŋ wa gongò kɛ̀ wùŋ nàŋ yaà wa wo jɔ̀àfèlàà Jòòsɛɔ̀. Wo Jòòsɛ nàŋ yaà wa wo jɔ̀àfèlàà Hilìɔ.

Luù 4:22

Ko tɔ̀ɔ̀tù e gbòauŋ nɛ̀, anyùùŋ nyaŋ gbiŋ naŋ wa gbòò tɛ̀ɛ̀ wèè Jisɛ̀. Esaɓù kɛ̀ è naŋ nyiŋ wa foonò wèè maŋ mìè gbòa siauŋ màŋ wò naŋ wa gbòò maŋ. Kɛɛ àŋ naŋ dawè nyààŋ, “Wuŋ nàŋ fè wò jɔ̀àfèlàà Jòòsɛɔ̀?”

Jɔ̀ɔŋ 1:44

Wo Felè yewe wa ko jawa gbeeì àŋ nyaaŋ ko Bɛ̀sailià lɛ, ko yèi wo Anɗù yèè wo Pììlɛ hewa wa joo lɛ̀.

Jɔ̀ɔŋ 12:21

Anyùùŋ nyɛɛ̀ŋ naŋ wa kɔ̀ koɓɛ̀ wo Felèi, wo yèɔ yewe wa ko Bɛ̀sailià wɔ wɔŋ fùɔ̀ŋ Galaliìɔ sùà, yèè àŋ nauŋ woò nyààŋ, “Dàa, è manaŋ eiŋ yɛ̀mɛ̀ wo Jisɛ̀.”

Jɔ̀ɔŋ 14:8

Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”

Jɔ̀ɔŋ 18:5

Yèè àŋ naŋ fasàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.” Yèè wo Jisɛ̀ naŋ nyiŋ fasàì wààŋ, “Miàŋ nàŋ yaà wo Jisɛ̀.” Wo Juɗà, wo yèɔ naŋ wa mààŋ wo Jisɛ̀ wɔ sìà nyiìŋ wa kɔɔ.

Jɔ̀ɔŋ 18:7

Yèè wo Jisɛ̀ naŋ nyiŋ ɓɛìŋ dawè wààŋ, “Ɓòò nìŋ yaà kaame?” Yèè àŋ naŋ ɓɛìŋ fàsàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.”

Jɔ̀ɔŋ 19:19

Wo Paalè naŋ wa kpùùnyɛ̀ŋ wɔŋ fɛi kpuu wɔŋ vànèkpaaà wo Jisɛ̀ kpuunyaŋ wa diɛŋ wɔ̀ŋ wààŋ, “Wo Jisɛ̀ e yìwìà ko Naazɔ̀ɛ̀, wo Kànà aŋ Juùù nyaŋ.”

Jɔ̀ɔŋ 21:2

Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Jɔ̀ɔŋ 6:42

Yèè àŋ naŋ woò nyààŋ, “Wɛɛ̀ nààŋ fè wo Jisɛ̀ wò jɔ̀àfèlàà Jòòsɛɔ̀? Wo dèdauŋ nɔɔ̀ŋ yèè wo yèyeuŋ nɔɔ̀ŋ kòò àŋ yaà kià. Dièsɔa wò naŋ naàŋ ɓɛ̀nɛ̀ŋ wòo wààŋ wò naŋ dèyè e yìwìà ko àìjɛnɛ̀ŋ?”

Jɔ̀ɔŋ 6:5

Wo Jisɛ̀ naŋ gè e fɛ̀ɛ̀ dìì yèè wò naŋ yɛ̀mɛ̀ anyuùŋ zimgbe yaà hìnìè ko nɛ̀ɛ̀uŋ niìŋ, wò naŋ dàwè wo Felè wààŋ, “Kòò è naiŋ ɓɛ̀nɛ̀ŋ kàa wèè e dènàŋ e nɛ̀ŋje sɛmɛ wèè anyùùŋ nyɛɛ̀ŋ gbiŋ aŋ jè?”

Jɔ̀ɔŋ 6:7

Wo Felè naŋ fasàì wààŋ, “Wèè anyùùŋ nyɛɛ̀ŋ bà guùŋ pɛɛ wo yɛ̀mɛ̀ e nɛ̀ŋje jɔa tòloò wèè euŋ kpɛ̀lɛ̀ sùà, sɔɔ̀ eiŋ mààŋ e nɛɛnɛŋ esɔ̀ngɔ̀ e nɛ̀ɛ̀nɛ̀ŋ wɔŋ dòà guùŋ wèè eiŋ dènàŋ e nɛ̀ŋje wèè anyùùŋ nyɛɛ̀ŋ gbiŋ.”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Nyɛ̀nɛ̀ŋ 22:8

Yèè mìŋ naŋ dawè mìàŋ, ‘Ɓòò nàŋ yààùm, Kanaà?’ Yèè ke mìèɛ naŋ woò wààŋ, ‘Miàŋ nàŋ yaà wo Jisɛ̀ e yìwìà ko Naazɔ̀ɛ̀, wo yèɔ mùŋ yaà nìmila sùà.’

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Nyɛ̀nɛ̀ŋ 3:6

Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!”