Jɔ̀ɔŋ 1:43 - WƆŊ FƐ̀Ì EBÒ SÌÀŊ DAYÀA

⁴³ Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 1:43 ပူးပေါင်းရင်းမြစ်များ

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Maafiù 4:12

Nààŋ wo Jisɛ̀ naŋ wa kòmò kɛ̀ àŋ gbìàŋ wo Jɔ̀ɔŋ ko sààŋ nyìwì, wò naŋ wa yèwè koɓɛ̀ wii yèè wò naŋ kɔ̀ wɔŋ fùɔ̀ŋ Galaliìɔ sùà.

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Jɔ̀ɔŋ 1:28

Maŋ keì wòo mɛɛ̀ŋ gbiŋ naŋ wa kɔ̀ feìŋ e fèèmàŋ aŋ kèèlà aŋ Fɛlosiì nyaŋ yèè wo Jɔ̀ɔŋ. E teenga bi sùà zà wo Jɔ̀ɔŋ yaà wa gùa sùà anyùùŋ nyaŋ e Wùìyè Jɔɔɗììŋ nɛ̀ sùà ko Bɛfenè.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 1:35

Wɔŋ niìsìaà bàa, wo Jɔ̀ɔŋ yèè anyùùŋ màŋjɛ̀wɛ̀uŋ nyàŋ àŋ tìyèe, siao wa àŋ yaà fùlìè wo Jisɛ̀.

Jɔ̀ɔŋ 1:37

Anyùùŋ màŋjɛ̀wɛ̀ tìyèè Jɔ̀ɔŋ nyàŋ naŋ kòmò e yèɛ wò naŋ woò lɛ, yèè àŋ naŋ dè wo Jisɛ̀ maŋjɛ̀wɛ.

Jɔ̀ɔŋ 1:44

Wo Felè yewe wa ko jawa gbeeì àŋ nyaaŋ ko Bɛ̀sailià lɛ, ko yèi wo Anɗù yèè wo Pììlɛ hewa wa joo lɛ̀.

Jɔ̀ɔŋ 12:21

Anyùùŋ nyɛɛ̀ŋ naŋ wa kɔ̀ koɓɛ̀ wo Felèi, wo yèɔ yewe wa ko Bɛ̀sailià wɔ wɔŋ fùɔ̀ŋ Galaliìɔ sùà, yèè àŋ nauŋ woò nyààŋ, “Dàa, è manaŋ eiŋ yɛ̀mɛ̀ wo Jisɛ̀.”

Jɔ̀ɔŋ 14:8

Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 6:5

Wo Jisɛ̀ naŋ gè e fɛ̀ɛ̀ dìì yèè wò naŋ yɛ̀mɛ̀ anyuùŋ zimgbe yaà hìnìè ko nɛ̀ɛ̀uŋ niìŋ, wò naŋ dàwè wo Felè wààŋ, “Kòò è naiŋ ɓɛ̀nɛ̀ŋ kàa wèè e dènàŋ e nɛ̀ŋje sɛmɛ wèè anyùùŋ nyɛɛ̀ŋ gbiŋ aŋ jè?”

Jɔ̀ɔŋ 6:7

Wo Felè naŋ fasàì wààŋ, “Wèè anyùùŋ nyɛɛ̀ŋ bà guùŋ pɛɛ wo yɛ̀mɛ̀ e nɛ̀ŋje jɔa tòloò wèè euŋ kpɛ̀lɛ̀ sùà, sɔɔ̀ eiŋ mààŋ e nɛɛnɛŋ esɔ̀ngɔ̀ e nɛ̀ɛ̀nɛ̀ŋ wɔŋ dòà guùŋ wèè eiŋ dènàŋ e nɛ̀ŋje wèè anyùùŋ nyɛɛ̀ŋ gbiŋ.”

Fèle 3:12

Miŋ gò woò mìàŋ kà naàŋ kpɛ̀ɛ̀yɛ̀ nyɛ̀nɛ̀ŋ è yèɛ mìŋ manàŋ kà nyɛ̀nɛ̀ŋ lɛ ɔ̀ɔ̀ wèè ka nɔ̀ŋ wò nyuùŋ zɛ̀nɛŋ. Kòò mìŋ yaà kààmè ɗewe wèè ka ɓùlà e kìlà ka yɛ̀mɛ̀ e jìwààjɛ̀wɛ̀ɛ e nyaàiŋ dè e yèɛ wo Jisɛ̀ Kulaì naŋ ɓùlò nààŋ wò naim hìɛ̀ŋ koɓɛ̀ wuŋ biì lɛ.

1Jɔ̀ɔŋ 4:19

È mànàìŋ aŋ dàwi wi nyàŋ esaɓù kɛ̀ wo Dayà, jiɛ̀ naŋ wi mɔ̀nɔ̀ŋ.