Jɔ̀ɔŋ 1:4 - WƆŊ FƐ̀Ì EBÒ SÌÀŊ DAYÀA

⁴ Wuŋ nàŋ yaà wa ko tɔ̀ɔ̀tù wɔŋ nyiiŋ gèeɔ̀, yèè wɔŋ nyiiuŋ nɔɔ̀ŋ nàŋ wa kìɛ̀ŋ e gbolòùŋ koɓɛ̀ anyùùŋ nyaŋ gbiŋ.

Jɔ̀ɔŋ 1:4 ပူးပေါင်းရင်းမြစ်များ

Maafiù 4:16

Jòòpɛɛ anyunùiŋ nyàŋ joà ke nyìwìɛ sùà, àŋ do nàŋ yɛ̀mɛ̀ e gbolòùŋ gbee. Anyùùŋ nyaŋ joà ke nyìwì e fàa dìì nyaŋ e gbolòùŋ do nyiŋ nàŋ mɛ̀ɛ̀ŋ diɛŋ.”

Luù 2:32

e gbolòùŋ wèè e tɔ̀ɔ̀ ke kpèè mɔɛ̀ŋ koɓɛ̀ anyùùŋ nyaŋ fè àŋ Juùù nyaŋ, yèè wèè e jòòwo mɔ̀ɛ̀ koɓɛ̀ anyùùŋ nyàŋ ko Ezɔ̀ɛ̀.”

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 3:19

E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 9:5

Miàŋ nàŋ yaà e gbòlòùŋ anyùùŋ nyaŋ e ɗuunyaàŋ e teengaà mìŋ yaà e ɗuunyaàŋ sùà lɛ.”

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Kòlo 3:4

Wɔŋ nyiiŋ gèe kɛnɛiŋ nɔɔ̀ŋ nàŋ yaà wo Jisɛ̀ Kulaì, sèè wò folo wa nàwèè ɓɛìŋ ko fɛɛ̀feìŋ, kpeiŋ kɛ̀ nyɛ̀iŋ yèè wuŋ do nàŋ fòlò ko fɛɛ̀feìŋ, e kìlà nìŋ do nàŋ nɔ̀ŋ aŋ bàiŋbà e jòòwouŋ nɛ̀ sùà.

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.

1Jɔ̀ɔŋ 1:2

Nààŋ wɔŋ nyiiŋ gèeɔ̀ naŋ wi wa fòlò feìŋ, è naiŋ wuŋ yɛmɛ̀, yèè è yààìŋ aŋ sèì wèè e yèɛ è naiŋ yɛmɛ̀ lɛ. Weètii è yààìŋ naàŋ wòò sùà e kèè wɔŋ nyiiŋ gèe gò jùàa wɔŋ yeɔ̀ yaà wa koɓɛ̀ wo Dèdaà yèè wɔ̀ŋ naŋ wi fòlò feìŋ wɔŋ.

1Jɔ̀ɔŋ 5:11

Ke mìè seì bi nàŋ yaà, kɛ̀ wo Dayà naŋ wi kìɛ̀ŋ wɔŋ nyiiŋ gèe gò jùà, yèè wɔŋ nyiiŋ gèe wɛɛ̀ŋ wɔ̀ŋ folo wo Jɔ̀àfelaauŋ nɔ̀ɔ̀ŋ sùà.

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”