Jɔ̀ɔŋ 1:38 - WƆŊ FƐ̀Ì EBÒ SÌÀŊ DAYÀA

³⁸ Nààŋ wo Jisɛ̀ naŋ kìlè yèè wò naŋ nyiŋ yɛmɛ̀ àŋ kùwaùŋ maŋjɛ̀wɛ, wò naŋ nyiŋ dawè wààŋ, “Kiìŋ nìŋ yaà kaame?” Àŋ nauŋ fasàì nyààŋ, “Kààmɔɔŋ, kòò mùŋ joà?”

Jɔ̀ɔŋ 1:38 ပူးပေါင်းရင်းမြစ်များ

Luù 10:39

Wo Mààta kuwa wa wo nanàŋ nyùùŋ àŋ nyàaùŋ wo Mèèle, wò naŋ kɔ̀ wo jɛ̀ì wo Kanaà Jisɛ̀ gòlòò dìì wèè wo kumiàŋ e nɛ̀ɛŋ wò yaà wa kaa lɛ̀.

Luù 14:25

E tèèngà guùŋ bà e faaŋ gbee naŋ wa dè wo Jisɛ̀ maŋjɛ̀wɛ. Nààŋ àŋ yaà wa kɔɔyɛ, wo Jisɛ̀ naŋ kìlè yèè wò naŋ nyiŋ woò wààŋ,

Luù 15:20

Wò naŋ yèwè dìì wò tɔ̀ɔ̀tù kà koɓɛ̀ wo dèdauŋ nɔɔ̀ŋ. “Kɛɛ wò yaà wa koɓɛ̀ dii nààŋ wo dèdauŋ nɔɔ̀ŋ nauŋ yɛmɛ̀. Ke nyowo nauŋ nyɛ̀nɛ̀ŋ wo dùàŋ wo ka wouŋ ɓeeè, yèè wò nauŋ kpuuwò.

Luù 19:5

Nààŋ wo Jisɛ̀ naŋ wa hàì koɓɛ̀i, wò naŋ gbìɛ̀ŋ fɛ̀ɛ̀ fùùŋ yèè wò naŋ wòò wo Zakiɔ̀ wààŋ, “Biào sùà muŋ dè, Zakiɔ̀, esaɓù kɛ̀ mìŋ yaà nàaŋ ke nyɛiŋ weèum ko gboo moo.”

Luù 22:61

Kpeiŋ wo Kanaà naŋ kìlè wo yɛ̀mɛ̀ wo Pììlɛ dììŋ, yèè Pììlɛ naŋ jàà jii kɛ̀ wo Kanaà nauŋ woò wààŋ, “Wo tɔɔ wowoɔ̀ naàŋ kolèè wɔ̀ŋ dùùm wɛɛ̀ŋ e jèèsùà maŋ woò e sùà taai mààŋ muŋ nyimààìm.”

Luù 8:38

Wo fèlaaà aŋ jinàŋ naanààŋ nyaŋ naŋ wa fòlò ko sùà wɔ, naŋ pɔ̀wɔ̀ wo Jisɛ̀ wààŋ, “Tɔ̀ miŋ dèum maŋjɛ̀wɛ e ka.” Kɛɛ wo Jisɛ̀ gòuŋ wa nyimèè. Wò naŋ wòò wo felaaà wààŋ,

Jɔ̀ɔŋ 1:37

Anyùùŋ màŋjɛ̀wɛ̀ tìyèè Jɔ̀ɔŋ nyàŋ naŋ kòmò e yèɛ wò naŋ woò lɛ, yèè àŋ naŋ dè wo Jisɛ̀ maŋjɛ̀wɛ.

Jɔ̀ɔŋ 1:39

Wo Jisɛ̀ naŋ nyiŋ fasàì wààŋ, “Hnaìŋ niŋ yɛmɛ̀ kɛ̀ kòò mìŋ joà!” Aŋ nauŋ dè maŋjɛ̀wɛ yèè àŋ naŋ kɔ̀ aŋ yɛ̀mɛ̀ koɓɛ̀i wò joà lɛ. Kɛɛ nààŋ e gɔɛɛ̀ yaà wa naàŋ jùàsùà fùùŋ, àŋ naŋ jàwè wo Jisɛ̀ le gòlò ke ɗɔɔ yii.

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 12:21

Anyùùŋ nyɛɛ̀ŋ naŋ wa kɔ̀ koɓɛ̀ wo Felèi, wo yèɔ yewe wa ko Bɛ̀sailià wɔ wɔŋ fùɔ̀ŋ Galaliìɔ sùà, yèè àŋ nauŋ woò nyààŋ, “Dàa, è manaŋ eiŋ yɛ̀mɛ̀ wo Jisɛ̀.”

Jɔ̀ɔŋ 18:4

Kɛɛ nààŋ wo Jisɛ̀ naŋ wa nyìmè tɛ kɛ̀ kiìŋ nàŋ yaà wa hinie wèè e kaaìŋ, wò naŋ fòlò yèè wò naŋ nyiŋ dawè wààŋ, “Ɓòò nìŋ yaà kaame?”

Jɔ̀ɔŋ 18:7

Yèè wo Jisɛ̀ naŋ nyiŋ ɓɛìŋ dawè wààŋ, “Ɓòò nìŋ yaà kaame?” Yèè àŋ naŋ ɓɛìŋ fàsàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.”

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 3:26

Kpeiŋ àŋ naŋ kɔ̀ koɓɛ̀ Jɔ̀ɔìŋ yèè àŋ nauŋ wòò ke mìè seì nyààŋ, “Kààmɔɔŋ, wo kenàŋ wii yààùm yɛi mɛ̀iŋ kɔɔ e Wùìyè Jɔɔɗììŋ nɛ wɔŋ fàa bàa, wo yèɔ mùŋ naŋ mɛ̀iŋ gbòò kiiuŋ tɛ̀ɛ̀ wɔ, kòò wò yaà naàŋ gùùyè anyùùŋ, e kìlà anyuùŋ zimgbe kòò àŋ yaà kɔ̀ɔ̀yɛ̀ ko nɛ̀ɛ̀uŋ niìŋ.”

Jɔ̀ɔŋ 4:31

Jòòpɛɛ tɛɛ̀ kpɛlɛɛ yaà wa kaaiŋ, anyùùŋ màŋjɛ̀wɛ̀ Jisɛ̀ nyaŋ yàuŋ wa pɔɔwɔ nyààŋ, “Kààmɔɔŋ, jè weè e nɛ̀ŋ.”

Jɔ̀ɔŋ 6:25

Anyùùŋ nyaŋ naŋ mɛ̀ɛ̀ŋ wo Jisɛ̀ wɔŋ juwoɔ̀ wɔŋ fàa bàa, yèè àŋ nauŋ dawè nyààŋ, “Kààmɔɔŋ, kiìŋ e teenga mùŋ naŋ kià hnè?”

Nyɛ̀nɛ̀ŋ 10:21

Yèè wo Pììlɛ naŋ dèyè koɓɛ̀ aŋ felaa nyàŋ yèè wò naŋ nyiŋ woò wààŋ, “Miàŋ nàŋ yaà wo nyùnɔ̀ɔŋ nìŋ yaà kaame wɔ̀. Wèè kiìŋ nìŋ naŋ hnè?”

Nyɛ̀nɛ̀ŋ 10:29

Weètii mìŋ naŋ nyimèè mìŋ naŋ kià hnè. Kɛɛ tɔ̀ miŋ dawè, wèè kiìŋ mùŋ naŋ tùɔ̀ŋ weèim?”