Jɔ̀ɔŋ 1:29 - WƆŊ FƐ̀Ì EBÒ SÌÀŊ DAYÀA

²⁹ Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 1:29 ပူးပေါင်းရင်းမြစ်များ

Maafiù 1:21

Wò do nàŋ kòmò wo jɔ̀àfelaa, yèè mùŋ kuwa mauŋ jàà e dèèɛ wo Jisɛ̀. Esaɓù kɛ̀, wuŋ nàŋ do nàŋ jòèyè anyunùuŋ nyàŋ e yìwìà maŋ jùumù nyiŋ màŋ sùà.”

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Jɔ̀ɔŋ 1:35

Wɔŋ niìsìaà bàa, wo Jɔ̀ɔŋ yèè anyùùŋ màŋjɛ̀wɛ̀uŋ nyàŋ àŋ tìyèe, siao wa àŋ yaà fùlìè wo Jisɛ̀.

Jɔ̀ɔŋ 1:36

E teengaà wò naŋ yɛ̀mɛ̀ wo Jisɛ̀ wò yaà kaaiŋ wò yaà hìnìè ko nɛ̀ɛ̀ŋ nyiŋ niìŋ lɛ, wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa!”

Jɔ̀ɔŋ 1:43

Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 2:1

Eɓìèmàŋjɛ̀wɛ̀ e teengaà wo Jisɛ̀ naŋ wa nyààŋ wo Felè yèè wo Nàntanyàŋ lɛ, ke ɗɔ̀ɔ̀ taaà diɛŋ àŋ yaà wa gbììnyɛ̀ŋ ke yɛ̀ɛ̀ ko Kenàŋ wɔŋ fùɔ̀ŋ Galaliìɔ sùà. Wo nààŋ Jisɛ̀ɔ wo Mèèle wɔŋ pɛɛ yaào wa wɔŋ ɗaa bi diɛŋ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Nyɛ̀nɛ̀ŋ 8:32

Kià naŋ yaà wa koɓɛ̀i wo kenàaŋ yaà wa kpinie wɔŋ fɛ̀ì Dayàa sùà lɛ, “Wò yaà mààŋ wo ɓaawaa wo yèɔ àŋ yaà kòasùà wèè auŋ jìwà, ɔ̀ɔ̀ mààŋ wo ɓaawaa bɔwɔ gò ɓɛ̀nɛ̀ŋ gòla sèè àŋ nɔ̀ùŋ hɛ̀nɛŋ sùà maŋ duum ko fɛ̀ɛ̀fèìŋ wo nyuùŋ kɛ̀ɛ̀uŋ nɔɔ̀ŋ. Yèè wo gò wa gbòà.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

1Time 2:6

wo yèɔ naŋ wa kìɛ̀ŋ wuŋ bi wèè wo nɔ̀ŋ e nɛ̀ŋ saàà wèè wo bìlɛ̀ŋ anyuùŋ kpùuŋ nyàŋ gbiŋ. Kii nàŋ yaà wa ke mìè seìɛ naŋ hnè e teengaà diɛŋ lɛ̀ kɛ̀, wo Dayà manaŋ wèè wo nyùùŋ gbiŋ yɛ̀mɛ̀ e jòèye,

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

1Pììlɛ 1:19

È yaà wa maŋ sɛ̀ìŋ nyìngà ɓàà Jisɛ̀ Kulaì maŋ wò naŋ gììyè saàà lɛ, wo yèɔ yaà wa mààŋ wo Ɓaawaa gò kùwìè è tɔ̀mɛ dòmaŋ nyaaŋ gbiŋ wɔ̀.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

1Jɔ̀ɔŋ 3:5

Nàŋ nyìmàŋ kɛ̀ wo Jisɛ̀ naŋ wa hnè wèè wo ɓèmè maŋ jùumù wi màŋ, yèè wo fè wo nyùùŋ maŋ jùumù.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 14:1

Mìŋ naŋ gè fɛ̀ɛ̀ dìì yèè mìŋ naŋ yɛ̀mɛ̀ wo Ɓaawaaà wò sia wɔŋ Tòò Zanyɔ̀ɔŋ dìmɛ̀, wuŋ yaà anyuùŋ taasùùŋ hɔ̀nɔ̀ɔ̀ guùŋ kpɛ̀ùŋ tìyèe jɛ̀wɛ̀ tiinàŋ (144,000) nyaŋ naŋ wa sìngè e deèuŋ nɛ̀, yaà e dèè Dèdauŋ nɔɔ̀ŋ maŋ ɗìfeìŋ nyaŋ.

Maŋ kèì nyɛɛnɛŋ 14:10

wo Dayà do nyiŋ nàŋ kìɛ̀ŋ e keì nyìnga sèè wò tuù, e teenè mààŋ wò naŋ tìè maŋ tala muaŋ nyìnga maŋ yè maŋ wò naŋ gɔ̀àì wɔŋ kpòò ke jii fiìuŋ nɛɛ̀ŋ sùà maŋ. Anyùùŋ nyaŋ gbiŋ do tɛɛ̀ nàŋ nyɛ̀nɛ̀ŋ nyaŋ, àŋ do nàŋ kùwò e nimilà gbee e hmɔ̀ɔ̀ŋ yèè e sɔfɔ̀ sùà, ko fɛ̀ɛ̀fèìŋ aŋ màìkà nɛɛmaŋ nyàŋ yaà wo Ɓaawaaà.

Maŋ kèì nyɛɛnɛŋ 14:4

Anyùùŋ nyɛɛ̀ŋ nyiŋ guùŋ nɔŋ nàŋ yaà aŋ felaa nyàŋ nààŋ kòò àŋ sìè è hààwe nyiŋ nɛ̀ ninaŋ, aŋ yè nyaŋ nyimààŋ kèè jɔùŋ nyaŋ. Àŋ dè wo Ɓaawaaà maŋjɛ̀wɛ àŋ kà koɓɛ̀i gbiŋ wò kɔ̀à lɛ. Àŋ naŋ nyiŋ bilɛ̀ŋ e yìwìà anyuùŋ kpùuŋ ziì nyaŋ gbiŋ sùà e dììɛ diɛŋ, yèè nyiŋ nàŋ yaà aŋ jiɛ̀jiɛ̀ nyaŋ do nàŋ nɔ̀ŋ kìɛŋ nyiŋ koɓɛ̀ Dayài yèè koɓɛ̀ wo Ɓaawaaà.

Maŋ kèì nyɛɛnɛŋ 15:3

e kìlà àŋ yaà dàa suà maŋ nùŋ Mòòze màŋ, wo ɓɔ̀ìjɔ̀à Dayàa, yaà wɔŋ nùŋ Ɓaawaaà nyààŋ, “Kanaà Dàyà Gaàŋ Gbeeɔ̀, màŋ nyɛ̀nɛ̀ŋ maŋ keì gbee yaà maŋ kèè mèè zimgbe! Mùŋ yaà wo Kana wèè anyùùŋ nyaŋ maŋ fuɔŋ màŋ gbiŋ sùà! Maŋ kpèèuŋ màŋ yaà tɔ̀ɔ̀nyaàŋ yèè mùŋ naŋ jilɛ̀ŋ e teenga gbiŋ.

Maŋ kèì nyɛɛnɛŋ 17:14

Aŋ kana nyɛɛ̀ŋ gbiŋ do nàŋ sùmìè wo Ɓaawaaà. Kɛɛ wo Ɓaawaaà, e kpùlìà aŋ yè nyaŋ wò naŋ tàeɗùù yèè àŋ yaà anyuùŋ tùlìà jii e kìlà àŋ nauŋ dè maŋjɛ̀wɛ nyaŋ, do nyiŋ nàŋ ɓùlò, esaɓù kɛ̀ wò yaà wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”

Maŋ kèì nyɛɛnɛŋ 19:7

Gè wììŋ zɔlɔ̀ e kìlà e nɔ̀iŋ ke jii fàa sùà. Tɛ̀nɛ̀ŋ wiìŋ e gaàŋ gbeeuŋ nɛ̀, esaɓù kɛ̀ e teengaà è haì wèè wo Ɓaawaaà ɓèmè wo jɔùŋ, yèè wo jawèuŋ nɔɔ̀ŋ bànèbànè wuŋ bi weè niŋ.

Maŋ kèì nyɛɛnɛŋ 19:9

Wo màikàa naim woò wààŋ, “Singà tɛɛ̀. E zɔlɔ̀ yaà anyùùŋ nyaŋ àŋ naŋ nyààŋ koɓɛ̀ wɔŋ ɗàà ke yɛɛ̀ gbìaàŋ e nyaàiŋ dè wo Ɓaawaaà.” Wo màikàa naŋ ɓɛìŋ woò wààŋ, “Maŋ mìè gbòà tɔ̀ɔ̀nyaàŋ maŋ e nyaàiŋ dè wo Dayà.”

Maŋ kèì nyɛɛnɛŋ 21:14

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e kpèè le dùò zììyà jɛ̀wɛ̀ tìyèe diɛŋ. Maŋ kpɛnɛ bi diɛŋ àŋ naŋ wa sìngìè maŋ dèè aŋ keela tàeɗùù zììyà jɛ̀wɛ̀ tìyèè Ɓaawaaà.

Maŋ kèì nyɛɛnɛŋ 21:27

E nɛ̀ŋ gò zɛ̀nɛ̀ŋ gbiŋ naàŋ jɔ̀ kò jawa gbeeì, e kìlà wo nyùnɔ̀ɔŋ gbiŋ wò kuwa ke jii kùwà ninaŋ wɔ̀ ɔ̀ɔ̀ wo yèɔ tɔɔ wɔ̀ wo naàŋ jɔ̀ kò jawa gbeeì. Anyùùŋ nyaŋ nɔŋ nàŋ doo nàŋ jɔ̀ nyaŋ nàŋ yaà anyùùŋ nyaŋ maŋ deè nyiŋ màŋ yaà sìnga miŋ wɔ̀ŋ fɛ̀ì fùngò fùngò Ɓaawaaà sùà e nyaàiŋ dè aŋ yè nyaŋ kuwa nyiiŋ gèe wèè julɔfɔ nyàŋ.

Maŋ kèì nyɛɛnɛŋ 21:9

Aŋ màìkà nɔɔnɔŋ le tìyèe nyàŋ bà guùŋ wo yèɔ kuwa wa wɔŋ gɛ̀ì maŋ kèì nyìngà nɔɔnɔŋ le tìyèe màŋ wɔ naim woò wààŋ, “Hnaàŋ, mìŋ doum nàŋ tɔ̀ɔ̀ wo jɔunɔ̀ɔŋ do nàŋ nɔ̀ŋ wo jàwè Ɓaawaaà wɔ.”

Maŋ kèì nyɛɛnɛŋ 5:6

Mìŋ naŋ gè fɛ̀ɛ̀ dìì yèè mìŋ naŋ yɛ̀mɛ̀ wo Ɓaawaaà wò sia ke kpùà kanaà tɛɛ tɛɛ, maŋ ɗòlònɛ̀ŋ tiinàŋ maŋ yèè aŋ màmàŋkùmɛŋ nyàŋ nauŋ kiliè. Wo Ɓaawaaà yaà wa mààŋ e nɛ̀ŋ àŋ naŋ jìwè. Wò kuwa wa maŋ sìì nɔɔnɔŋ le tìyèe yèè le fɛ̀ɛ̀ nɔɔnɔŋ le tìyèe. Maŋ sii yaà maŋ fɛ̀ɛ̀ mɛɛ̀ŋ nàŋ yaà wa aŋ jìnàŋ nɔ̀ɔ̀nɔ̀ŋ lètìyèè Dayà nyaŋ wò naŋ wa tùɔ̀ŋ e dììɛ gbiŋ diɛŋ nyàŋ e ɗuunyaàŋ.

Maŋ kèì nyɛɛnɛŋ 5:8

Nààŋ wo Ɓaawaaà nauŋ gè wɔŋ fɛi fùngò fungoɔ̀ sìwè, maŋ ɗòlònɛ̀ŋ tiinàŋ maŋ yaà aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ naŋ dè maŋ gɛ̀ɛ̀nìŋ nyiŋ màŋ dììnaŋ ko fɛ̀ɛ̀fèìŋ wo Ɓaawaaà. Wo bà guùŋ gbiŋ kuwa wa ke kɔningai yaà wɔŋ gòoò gɛ̀i, wɔ̀ŋ naŋ dìè maŋ kùùkɔ̀ɔ̀ dò siaŋ. Miiŋ nàŋ yaà wa maŋ zòòlò anyùùŋ nɛɛmaŋ nyàŋ.

Maŋ kèì nyɛɛnɛŋ 6:1

Eɓìèmàŋjɛ̀wɛ̀ tii, mìŋ naŋ yɛ̀mɛ̀ wo Ɓaawaaà wò naŋ yìlè e fèè e nɛ̀ŋ yìlia jiɛ̀jiɛ̀ɛ manɛ̀ŋ yìlìà nɔɔnɔŋ le tìyèe màŋ sùà, yèè mìŋ naŋ kòmò ke mìè e ɗolònɛ̀ɛŋ bà guùŋ e yìwìà maŋ ɗòlònɛ̀ŋ tiinàŋ màŋ sùà, naŋ wòò ke miè gbee sùà mààŋ ko fùùŋ naŋ kpààŋ wààŋ, “Folà kià!”

Maŋ kèì nyɛɛnɛŋ 6:16

Àŋ naŋ wòò maŋ toò maŋ yaà maŋ dùò maŋ nyààŋ, “Sɔà wi diɛŋ yèè niŋ nyɛɛnɛ̀ŋ wi wèè e goiŋ nàŋ yɛ̀mɛ̀ e fɛ̀ɛ̀ nyùnɔ̀ɔŋ jaa ke kpùà kanaà diɛŋ wɔ̀, yèè nyɛ̀ɛ̀nɛɛ̀ŋ wi e yìwìà e wùàŋ wo Ɓaawaaà!

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”