Jɔ̀ɔŋ 1:27 - WƆŊ FƐ̀Ì EBÒ SÌÀŊ DAYÀA

²⁷ Wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ.”

Jɔ̀ɔŋ 1:27 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Jɔ̀ɔŋ 1:15

Ke ɗɔ̀ɔ̀ guùŋ nààŋ wo Jɔ̀ɔŋ yaà wa wòò sùà anyùùŋ nyaŋ e kiiuŋ, wò naŋ yɛ̀mɛ̀ wo Jisɛ̀. Kpeiŋ wò naŋ kpààŋ yèè wò naŋ nyiŋ woò wààŋ, “Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.”

Jɔ̀ɔŋ 1:30

Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, ‘Wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.’

Jɔ̀ɔŋ 10:41

anyuùŋ zimgbe naŋ wa kɔ̀ ko nɛ̀ɛ̀uŋ niìŋ. Anyùùŋ nyaŋ yaà wa woo nyààŋ, “Wo Jɔ̀ɔŋ gò wa nyɛ̀nɛ̀ŋ màŋ kèè mèè gbiŋ, kɛɛ e yèɛ wò naŋ wa woò lɛ e nyaàiŋ dè wo Jisɛ̀ e gbiŋ è yaà e tɔ̀ɔ̀nyaàŋ.”

Nyɛ̀nɛ̀ŋ 13:25

Kpeiŋ nààŋ e tòmò Jɔ̀ɔɛ̀ŋ naŋ wa naàŋ joo tòloò wèè e jùà, wò naŋ wòò anyùùŋ nyaŋ wààŋ, ‘Ɓòò anyùùŋ nyaŋ naŋ gongò kɛ̀ mìŋ yaà? Nìŋ gongà kɛ̀ miàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ? Kpele, miàŋ nàŋ fòuŋ. Kpele, kɛɛ wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè kauŋ gè màŋ bauŋ màŋ gòlò.’

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”