Jɔ̀ɔŋ 1:19 - WƆŊ FƐ̀Ì EBÒ SÌÀŊ DAYÀA

¹⁹ Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 1:19 ပူးပေါင်းရင်းမြစ်များ

Jɔ̀ɔŋ 1:7

Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 10:24

Aŋ Juùù nyaŋ bà nyiŋ nauŋ gbònò kɔɔ yèè àŋ nauŋ dawè nyààŋ, “Kiìŋ è teenga mùŋ do wi nàŋ gè e gòngo maŋ jii wi màŋ sùà? Wòò wi e tɔɔɓaaà sèè mààŋ muàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ!”

Jɔ̀ɔŋ 10:31

Yèè aŋ Juùù nyaŋ naŋ ɓɛìŋ ɓèmè le dùò wèè aŋ hɔ̀wà wo Jisɛ̀.

Jɔ̀ɔŋ 11:19

yèè aŋ Juùù nyuùŋ zimgbe naŋ wa hnè e yìwìà ko jawa gbeeì ko zùùmò Mààta yèè wo Mèèle wèè esàɓù e fà wo wùìya nyiŋ nɔɔ̀ŋ Lazɔlɔ̀.

Jɔ̀ɔŋ 2:18

Kpeiŋ wèè esàɓù e nɛ̀ɛŋ wo Jisɛ̀ naŋ nyɛ̀nɛ̀ŋ lɛ, aŋ ɓɛ̀màŋɗì aŋ Juùù nyaŋ naŋ kɛɛ̀ yèè àŋ nauŋ gbìɛ̀ŋ wɔŋ mààŋdàwè nyààŋ, “Kiìŋ è tɔ̀ɔ̀màŋsèì keì mùŋ naŋ wi ɓɛ̀nɛ̀ŋ tɔ̀ɔ wèè tɛɛ̀ mùŋ naŋ yaà nyɛ̀nɛ̀ŋ lɛ?”

Jɔ̀ɔŋ 2:20

Aŋ Juùù nyaŋ naŋ fasàì nyààŋ, “Mùŋ naŋ gongò kɛ̀ màŋ ɓɛìŋ ɓɛ̀nɛ̀ŋ nyɛ̀lɛ̀ ke Saaŋ Zòòlò Dayà yɛɛ̀ maŋ ɗɔ̀ɔ̀ taai sùà? Anyuùŋ wi nyàŋ naŋ ɓèmè maŋ doa kpɛ̀ɛ̀ùŋ tìyèe jɛ̀wɛ̀ nɔɔnɔŋ dièguùŋ wèè aŋ nyɛ̀lɛ̀ ke Sààŋ Zòòlo Dayà yɛɛ̀.”

Jɔ̀ɔŋ 5:10

Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Jɔ̀ɔŋ 5:15

Kpeiŋ wo felaaà naŋ kɔ̀ yèè wò naŋ niŋ wòò anyùùŋ gbèègbèè aŋ Juùù nyaŋ kɛ̀ wo Jisɛ̀ nauŋ sùngò.

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 6:41

Àŋ Juùù nyaŋ naŋ tɔ̀ɔ̀tù maŋ ɗìòsùà gùlia nààŋ àŋ naŋ kòmò wo Jisɛ̀ naŋ woò wààŋ, “Mìŋ yaà mààŋ e nɛ̀ŋje e yèɛ naŋ dèyè e yìwìà ko àìjɛnɛ̀ŋ.”

Jɔ̀ɔŋ 6:52

Aŋ Juùù nyaŋ naŋ wa tuù wèè e yèɛ wo Jisɛ̀ naŋ wa woò lɛ, yèè àŋ naŋ tɔ̀ɔ̀tù nyiŋ bi kpàànè kpàànè e fèemàŋ. Àŋ naŋ dawè nyààŋ, “Dièsɔa wo felaa wɛɛ̀ naŋ wi ɓɛ̀nɛ̀ŋ kìɛ̀ŋ e kenùuŋ nɛ̀ wèè eiŋ niŋ gbìlà?”

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 7:11

Anyùùŋ gbèègbèè aŋ Juùù nyaŋ yaà wa yɛ̀ɛ̀mɛ̀ wo Jisɛ̀ dòmaŋ yèè àŋ naŋ kùùnò dàwè anyùùŋ nyaŋ wɔŋ ɗaaà sùà nyààŋ, “Kòò wo felaa dàà gbɔ̀ɔ wii wò yaà?”

Jɔ̀ɔŋ 7:15

È naŋ wa fòònò anyùùŋ gbèègbèè aŋ Juùù nyaŋ zimgbe wèè e ɗewe kiiɛ̀ wò yaà wa kàà sùà anyùùŋ nyaŋ lɛ̀, yèè àŋ naŋ dawè nyààŋ, “Dièsɔa wo felaa wɛɛ̀ naŋ nyɛ̀nɛ̀ŋ wò naŋ nyìmè maŋ keì mɛɛ̀ŋ gbiŋ fèemàŋ tɛ̀ɛ̀, tiŋ zà kòò wò kɔ̀ wa è kàa dìì wèè wo miŋ gbeè?”

Jɔ̀ɔŋ 8:22

Aŋ Juùù nyaŋ naŋ dàwè nyiŋ bi e fèemàŋ nyààŋ, “Ɓàà wò naŋ ɗewè wèè wo jìwà wuŋ bi, nààŋ wò naŋ woò wààŋ e naàìŋ ɓɛ̀nɛ̀ŋ kà koɓɛ̀i wò yaà kɔɔyɛ̀ lɛ̀?”

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Jɔ̀ɔŋ 8:57

Yèè aŋ Juùù nyaŋ nauŋ woò nyààŋ, “Kòò mùŋ nɔ̀ŋ pɛɛ màŋ doa kpɛ̀ɛ̀ùŋ tìyèe jɛ̀wɛ̀ zììyà, dièsɔa mùŋ naŋ wa yɛ̀mɛ̀ wo Eɓulɔhɛɛ̀ŋ?”

Nyɛ̀nɛ̀ŋ 13:25

Kpeiŋ nààŋ e tòmò Jɔ̀ɔɛ̀ŋ naŋ wa naàŋ joo tòloò wèè e jùà, wò naŋ wòò anyùùŋ nyaŋ wààŋ, ‘Ɓòò anyùùŋ nyaŋ naŋ gongò kɛ̀ mìŋ yaà? Nìŋ gongà kɛ̀ miàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ? Kpele, miàŋ nàŋ fòuŋ. Kpele, kɛɛ wò do nàŋ hnè eɓìèmàŋjɛ̀wɛ̀ miàŋ, yèè miŋ siàŋ ngèè pɛɛ tɛ̀ɛ̀ wèè kauŋ gè màŋ bauŋ màŋ gòlò.’

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”

1Jɔ̀ɔŋ 1:5

Ke miè gbìaàŋ è naiŋ kòmò wo Jisɛ̀ naŋ wi woò lɛ nàŋ yaà e yèɛ è yààìŋ woo lɛ̀ kɛ̀, wo Dayà yaà e gbolòùŋ, yèè ke nyìwì bà gbiŋ fòuŋ sùà.