Jɔ̀ɔŋ 1:12 - WƆŊ FƐ̀Ì EBÒ SÌÀŊ DAYÀA

¹² Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 1:12 ပူးပေါင်းရင်းမြစ်များ

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Maafiù 12:21

yèè anyùùŋ nyaŋ fè àŋ Juùù nyaŋ, aŋ gbiŋ douŋ nàŋ sìè maŋ jii tùlia nyiŋ màŋ sùà.”

Maafiù 18:5

Wo nyùnɔ̀ɔŋ gbiŋ naŋ jàà wo jɔ̀àkàiŋ mààŋ wɛɛ̀ bà guùŋ kùàŋ dìì esaɓù e deè mɛ̀ wɔ, wo nyùùŋ bi wòim jàà kùàŋ dìì.”

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 1:7

Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:18

“Anyùùŋ nyaŋ gbiŋ naŋ hààwè miàim wo Jɔ̀àfèlàà Dayaà sùà wɔ, wo Dayà naàŋ nyiìŋ jèè è keì. Kɛɛ anyùùŋ nyaŋ naŋ gè maŋhɛɛ wèè aŋ hààwè miàim wo Jɔ̀àfelaauŋ nɔɔ̀ŋ sùà nyaŋ, wo Dayà wò nyiŋ kìlìà kiti tɛ.

Nyɛ̀nɛ̀ŋ 3:16

E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.

Luùm 8:14

Anyùùŋ nyaŋ wo Jìnàŋ Kanaà Dayà toomàŋ sùà nyaŋ, nàŋ yaà aŋ jɔ̀à Dayà nyaŋ.

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

Luùm 8:19

Manɛ̀ŋ maŋ gbiŋ wo Dayà naŋ banè maŋ e ɗuunyaàŋ lɛ, màŋ yaà fùlìè e teenga titiɛ̀ wèè wo Dayà tɔɔ̀ kɛ̀ ɓòò nàŋ yaà aŋ jɔ̀àuŋ nyàŋ.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Gàla 4:6

Kɛɛ nààŋ è yààìŋ aŋ jɔ̀à Dayà lɛ, wo Dayà naŋ tùɔ̀ŋ wo Jìnàŋ Jɔ̀àfelaauŋ nɔɔ̀ŋ maŋ jii wi màŋ sùà. E kìlà wo Jìnàaŋ naŋ gòlò wààŋ, “Dèda miɔ̀ŋ, Dèda miɔ̀ŋ wɔ.”

Kòlo 2:6

Nààŋ nìŋ naŋ jàà wo Jisɛ̀ Kulaì kùàŋ dìì wèè wo nɔ̀ŋ wo Kanaiŋ nɔɔ̀ŋ lɛ, nìŋ kuwa naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà.

2Pììlɛ 1:4

E ɗèwè guùŋ nɛɛ̀ sùà wò wi kìɛ̀ŋ e kìɛ̀ŋ è jii gbeeuŋ nɛ̀ wò naŋ wi sɔ̀ dèè lɛ, e wèè kɛ̀ esàɓù maŋ kìɛŋ mɛɛ̀ŋ sùà, naŋ fòlà maŋ gòngò wùànàŋ keì pɔ̀ɔ̀pɔ̀ɔ̀ sùà maŋ yaà e ɗuunyaàŋ maŋ, yèè naŋ hnàŋ e nɔ̀ŋ kìì Dayàa sùà naŋ nɔ̀ŋ bàiŋbà.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.