Jɔ̀ɔŋ 1:10 - WƆŊ FƐ̀Ì EBÒ SÌÀŊ DAYÀA

¹⁰ Ke Mìèɛ yaà wa koɓɛ̀ anyùùŋ nyaŋ e ɗuunyaàŋ sùà, kɛɛ wo nyùùŋ gbiŋ gòuŋ wa nyìmàŋ, jòòpɛɛ wo Dayà naŋ wa bànè e ɗuunyaàŋ e saɓùuŋ nɛ̀ sùà.

Jɔ̀ɔŋ 1:10 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 1:3

Yèè esàɓù wo nyùùŋ bì sùà wo Dayà naŋ wa bànè manɛ̀ŋ maŋ gbiŋ. Wo Dayà gò wa bànè è nɛ̀ŋ gbiŋ èɓìèmàŋjɛ̀wɛ̀ wò nyùùŋ bi.

Jɔ̀ɔŋ 1:5

E gbolòùŋ nɛ mɛɛŋ ke nyìwìɛ sùà e teenga gbiŋ, yèè ke nyìwìɛ kòò kè ɓùwò wa è gbolòùŋ bi.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Nyɛ̀nɛ̀ŋ 14:17

Kɛɛ wò naŋ tɔɔ̀ kɛ̀ wò yaào wa e teenga gbiŋ e yìwìà maŋ keì sìàŋ maŋ wò naŋ nyɛ̀nɛ̀ŋ maŋ. Wo Dayà tuɔŋ maŋ gɔ̀àà e yìwìà ko àìjɛnɛ̀ŋ yèè màŋ nyɛnɛŋ manɛ̀ŋ wuiyeiŋ màŋ maŋ bɔù. Wò kiɛ̀ìŋ e nɛ̀ŋje yèè wò nyɛnɛŋ maŋ jiiŋ màŋ nɔ̀ŋ zɔlɔ̀ sùà.”

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

1 Kɔliìŋ 8:6

È kùwàìŋ nɔŋ wo Dàyà guùŋ kpò, wo Dèdaà, wo yèɔ naŋ bànè manɛ̀ŋ maŋ gbiŋ wɔ̀, yèè wèè wo yèɔ è yààìŋ e ɗuunyaŋ wɔ̀. E kìlà è kùwàìŋ nɔŋ wo Kànà guùŋ kpò, wo Kanaà Jisɛ̀ Kulaì wo yèɔ e saɓùuŋ nɛ̀ sùà manɛ̀ŋ maŋ gbiŋ naŋ wa yɛ̀mɛ̀ e bàne wɔ̀, yèè e saɓùuŋ nɛ̀ sùà è yààìŋ fuɔŋ.

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.