Hiɓu 9:7 - WƆŊ FƐ̀Ì EBÒ SÌÀŊ DAYÀA

⁷ Wo kànà sìèfèìŋ zòòlo gbeeɔ̀ nɔŋ nàŋ jɔ̀à wa wo hàì ko tàamàŋ dìà tìyèeì, ko Nɛ̀nɛ̀ŋ Nɛɛmaŋ Gbeeì wèè Dayà. Wò hewa nɔŋ tii nyɛ̀nɛ̀ŋ e sùà guùŋ kpò wɔŋ doaà sùà. E teenga gbiŋ wò nɔ̀ŋ wa kɔɔyɛ, sɔɔ̀ wo kòà màŋ sɛ̀ìŋ e ɗolònɛ̀ɛŋ àŋ naŋ gììyè saaà maŋ, wèè wo miŋ kiɛ̀ŋ e saaà gèeo sùà koɓɛ̀ Dayài, wèè maŋ jùumùuŋ màŋ yaà maŋ jùumù maŋ gbiŋ anyùùŋ nyaŋ naŋ nyɛ̀nɛ̀ŋ yèè aŋ gò miŋ jàà jii màŋ.

Hiɓu 9:7 ပူးပေါင်းရင်းမြစ်များ

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

Hiɓu 10:3

E tɔɔɓaaà nàŋ yaà kɛ̀, e saaà gèe wɔŋ doa gbiŋ, è nyɛnɛŋ anyùùŋ aŋ fè nyɛɛnɛ̀ŋ wèè màŋ jùumù nyiŋ màŋ.

Hiɓu 6:19

Ke jii tùlia yɛɛ̀ nyɛnɛŋ wɔŋ nyììŋ wiɔ̀ jɛi gìli e kìlà ke wi joeyè, yèè kè yaà mààŋ wɔŋ hààŋgàa jàà wɔŋ meeèɔ gìli lɛ̀. Ke jii tùliaà è kùwàìŋ yɛ nàŋ yaà wo Jisɛ̀, wo yèɔ kɔ̀à wo Dayà fɛɛ̀feìŋ, màànààŋ nɔŋ aŋ sìèfèìŋ zòòlò gbee nyàŋ maaŋ wɔŋ dèè saaŋ yɛmgbɛ̀ɔ jɛ̀wɛ̀ aŋ hàì ko zòòlò Nɛɛmaŋ Gbeeì ko Saaŋ Zòòlò Dayài.

Hiɓu 7:27

Wo fè mààŋ àŋ kànà sìèfèìŋ zòòlo gbànaŋ nyàŋ. Wo kuwà èsaɓù bà wèè wo gè màŋ saaà kè ɗɔɔ gbiŋ wèè maŋ jùùmù wuŋ bi màŋ jiɛ̀ yèèngàà wò gè ɓɛìŋ è saaà wèè màŋ jùùmù ànyuùŋ gbànaŋ nyàŋ. Wò naŋ wa gè e sàà ɗì guùŋ e sùà guùŋ yèè wèè anyùùŋ nyaŋ gbiŋ, e teengaà wò naŋ wa gììyè wuŋ bi saaà lɛ.

Hiɓu 9:3

Wɔŋ dèè saaŋ yɛmgbɛ̀ɔ jɛ̀wɛ̀ ke vààyàa dìì, nàŋ yaà wa koɓɛ̀i àŋ nyaaŋ ko Nɛ̀nɛ̀ŋ Nɛɛmaŋ Gbeeì wèè Dayà.