Hiɓu 9:18 - WƆŊ FƐ̀Ì EBÒ SÌÀŊ DAYÀA

¹⁸ Esɓùɛ lii, e ɗààhìì mìèsùàguùŋ gɔuɛ̀ pɛɛ naŋ wa kɛ̀ɛ̀nɛ̀ŋ gààŋ nààŋ àŋ naŋ wa jìwè e ɗolònɛ̀ŋ e kìlà àŋ naŋ gììyè maŋ sɛ̀ìŋ e saaà.

Hiɓu 9:18 ပူးပေါင်းရင်းမြစ်များ

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Hiɓu 9:17

E ɗààhìì e mìèsùàguùŋ mààŋ tɛɛ̀, fè kɛ̀ɛ̀nɛ̀ŋ gààŋ è teengaà wò nyùnɔ̀ɔŋ naŋ niŋ banè wò yaà wɔ̀ŋ nyiiŋ gèeɔ̀ sùà lɛ. E ɗààhiì bi kɛ̀ɛ̀nɛ̀ŋ gààŋ sèè wo nyùnɔ̀ɔŋ naŋ niŋ banè wɔ wò fà.

Hiɓu 9:19

Wo Mòòze naŋ wa wòò anyùùŋ nyaŋ gbiŋ e yèɛ gbiŋ wo Dayà naŋ wa woò wèè aŋ nyɛ̀nɛ̀ŋ nààŋ è yaà sìnga niŋ maŋ Sàwà Dayà maŋ sùà lɛ. Wò naŋ ɓèmè maŋ sɛ̀ìŋ aŋ dìi wowo yaà maŋ sɛ̀ìŋ aŋ diì wowo, wo miŋ kàànè e wùìyè, yèè wò naŋ ɓèmè wɔŋ deè wɛ̀ìŋ, wo wuŋ dìkìà ke kùù bà àŋ nyaaŋ hasò, yèè wò naŋ wuŋ hɔ̀ɔ̀ maŋ sɛìŋ kàànè wùìyèɛ sùà, yèè wò naŋ miŋ vààì wɔŋ fɛ̀ì maŋ Sàwà Dayàa, yaà anyùùŋ nyaŋ gbiŋ diɛŋ.

Hiɓu 9:22

Maŋ Sàwà Dayà maŋ naŋ woò wààŋ, sɔɔ̀ aŋ vààì manɛ̀ŋ maŋ gbiŋ maŋ sɛ̀ìŋ wèè maŋ nɔ̀ŋ zɛ̀nɛŋ miŋ, e kìlà wèè paŋ wo Dayà juuyà maŋ jùumù hakɛ̀, sɔɔ̀ aŋ dè maŋ sɛ̀ìŋ dìì.