Hiɓu 9:11 - WƆŊ FƐ̀Ì EBÒ SÌÀŊ DAYÀA11 Kɛɛ wo Jisɛ̀ Kulaì wò naàŋ hnàŋ tɛ wèè wo nɔ̀ŋ wo Kànà Sìèfèìŋ Zòòlo Gbeeɔ̀ wèè manɛ̀ŋ siaŋ maŋ yaà kià tɛ màŋ. Ke vààyàa wò zoolà dìì yɛ kuwa sɛmɛmaŋ e nìàŋ e nɛ̀ŋ gbiŋ e kìlà kè kuwa jii tùlia gbee. Maŋ kùàŋ nyuùŋkpùuŋ nàŋ gò nyiŋ nyɛ̀lɛ̀, e kìlà ke fè bà nyiŋ bà wèè è ɗuunyaŋ lɛɛ̀. အခန်းကိုကြည့်ပါ။ |
Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.
Maŋ Sàwà maŋ wo Dayà naŋ wa kìɛ̀ŋ aŋ Juùù nyaŋ màŋ, màŋ yaà mààŋ wɔŋ mììmììŋ manɛ̀ŋ kɛnɛ màŋ do nàŋ hnè maŋ. Maŋ sàwà miiŋ nàŋ fè wa mànɛ̀ŋ kɛnɛ màŋ gbiŋ wò Dayà naŋ wa jɔ̀ɔ̀ e ɗààhiì wèè wo kiɛ̀ŋ maŋ. Àŋ gè maŋ saaà mɛɛ̀ŋ pɛɛpɛɛ ke ɗɔɔ gbiŋ yèè wɔŋ doa gbiŋ. Kpeiŋ, dièsɔa anyùùŋ nyaŋ hnàŋ koɓɛ̀ Dayài nyàŋ naŋ ɓɛ̀nɛ̀ŋ nɔ̀ŋ zɛ̀nɛŋ nyiŋ nààŋ àŋ kuwo maŋ sàwà maŋ naŋ tɔ̀ɔ̀ e ɗewe kiiɛ̀ àŋ gè maŋ saaà mɛɛ̀ŋ lɛ?
Wo Mɛ̀kisiɗɛ̀ yaà wa wo kana wèè ko jawa gbeeì àŋ nyaaŋ Salɛ̀m, e kìlà e tèèngà guùŋ bi wò yaà wo sìèfèìŋ zòòlo wèè wo Dayà Gaàŋ Gbeeɔ̀. Wo Mɛ̀kisiɗɛ̀ naŋ wa mɛ̀ɛ̀ŋ wo Eɓulɔhɛɛ̀ŋ yèè wò nauŋ gbìɛ̀ŋ zòòlo maŋjɛ̀wɛ, e teengaà wo Eɓulɔhɛɛ̀ŋ naŋ wa jìwè aŋ kànà tiinàŋ nyàŋ, yèè wò yaà wa naàŋ kɛ̀ɛ̀ sùà maŋjɛ̀wɛ lɛ̀.