Hiɓu 8:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ wo Kanaà Dayà naŋ wa sìè anyunùuŋ nyàŋ jii nààŋ wò naŋ nyiŋ woò wààŋ, “Maŋ ɗɔɔ màŋ kòò màŋ yaà hinie, e teenga bi sùà mìŋ do nàŋ bànè e ɗààhìì e mìèsùàguùŋ jɛ̀ì wèè anyùùŋ nyaŋ ko Ezɔ̀ɛ̀ yaà anyùùŋ nyaŋ ko Juɗà.

Hiɓu 8:8 ပူးပေါင်းရင်းမြစ်များ

Maafiù 26:28

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

Luù 17:22

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “E teenga kòò è yaà hinie nìŋ do nàŋ nyɛ̀nɛ̀ŋ wànàŋ wèè naŋ yɛ̀mɛ̀ ke ɗɔ̀ɔ̀ miàim wo Jɔ̀àfèlàà Nyuùŋ kpùnɔɔ̀ŋ ke bà guùŋ, kɛɛ niŋ naàŋ nyiŋ yɛmɛ̀.

Luù 22:20

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

Luù 5:38

Sèè è nɔ̀ŋ yɛi, sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà!

1 Kɔliìŋ 11:25

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

Hiɓu 12:24

Nàŋ hnàŋ koɓɛ̀ Jisɛ̀i, wo yèɔ sia e fèèmàŋ e ɗààhìì e mìèsùàgùùŋ jɛ̀ì Dayàa ko nɛ̀ɛ̀ŋ wiì wɔ. Yèè maŋ sɛiŋ nùuŋ màŋ àŋ naŋ vaaì maŋ, naŋ jɔ̀ɔ̀ e ɗààhiì kɛnɛ ko nɛ̀ɛ̀ŋ wiì e nìàŋ maŋ sɛ̀ìŋ Eɓɛ̀ɛ̀ maŋ.

Hiɓu 7:22

E fèèmàŋ keì wòo lɛɛ̀, è naŋ tɔɔ̀ kɛ̀ wo Jisɛ̀ naŋ wi kìɛ̀ŋ ke jii tùlia, kɛ̀ wò yaà e ɗààhìì e mìèsùàguùŋ kɛnɛɛ̀.

Hiɓu 8:13

Nààŋ wo Kanaà Dayà naŋ wòò e kèè e ɗààhìì mìèsùàguùŋ jɛ̀ì, è naŋ tɔɔ̀ kɛ̀ e jiɛ̀jiɛ̀ɛ è jùà gààŋ. E nɛ̀ɛŋ gbiŋ zà naŋ kìlè e gɔu niŋ e kìlà è naŋ kɔlì lɛ, è do nàŋ jɔɔnɔ̀ŋ e teenga kpuu sùà.

Hiɓu 8:6

Wo Dayà naàŋ tà wo Jisɛ̀ ɗùù wèè wo nyɛ̀nɛ̀ŋ e tòmò sìèfèìŋ zòòlo, e yèɛ kuwa gààŋ e nìàŋ e je nyiŋ nɛ̀, màànààŋ nɔŋ e ɗààhìì e mìèsùàguùŋ nɛ wò naŋ bànè ke sàwà diɛŋ e fèèmàŋ Dayà yaà anyunùuŋ è yaà e kɛnɛ niŋ nɛ̀, esaɓù kɛ̀ e ɗààhiì bi e nyaàiŋ naŋ dè ke jii tùlia wèè manɛ̀ŋ kɛnɛ.

Hiɓu 9:15

E wèè saɓù lɛɛ̀, wo Jisɛ̀ Kulaì nàŋ yaà wo nyùnɔ̀ɔŋ sià ke konaŋ fèemàaŋ, wo yèɔ naŋ bànè e ɗààhìì e mìèsùàguùŋ jɛ̀ì, wèè kɛ̀ aŋ yè nyaŋ wo Dayà naŋ nyààŋ nyaŋ aŋ yɛmɛ̀ e kpùùmàŋ wɔŋ nyiiŋ gèe gò jùà e yèɛ wo Dayà naŋ jɔ̀ɔ̀ ɗààhiì wèè wo kiɛ̀ŋ lɛ. Tɛɛ̀ ɓɛ̀nɛ̀ŋ kààiŋ esaɓù kɛ̀ wo Jisɛ̀ Kulaì naŋ fɔ̀, yèè tɛɛ̀ naŋ nyɛ̀nɛ̀ŋ anyùùŋ naŋ fòlò e keì dìì e yìwìà maŋ keì naanààŋ maŋ àŋ naŋ nyɛ̀nɛ̀ŋ maŋ, e teengaà e ɗààhìì mìèsùàguùŋ jiɛ̀jiɛ̀ɛ yaà wa toomo lɛ̀.