Hiɓu 8:5 - WƆŊ FƐ̀Ì EBÒ SÌÀŊ DAYÀA

⁵ E tòmò sìèfèìŋ zòòloɛ̀ aŋ sìèfèìŋ zòòlo nyɛɛ̀ŋ nyɛnɛŋ lɛ̀, è naŋ nɔŋ tèènè e kìlà è yaà wɔŋ mììmììŋ e yèɛ yaà ko àìjɛnɛ̀ŋ lɛ. È yaà nɔŋ mààŋ wo Mòòze naŋ wa nyɛ̀nɛ̀ŋ lɛ. Nààŋ wò naŋ wa ɗewè wèè wo nyɛ̀lɛ̀ ke Vààyà mìè sèì Dayàa wèè zòòlo, wo Dayà nauŋ woò wààŋ, “Kɛ̀ɛ̀nɛɛ̀ŋ jii jàa muŋ nyɛ̀lɛ̀ nyiŋ ke nɔ̀ŋ mààŋ e ɗewe kiiɛ̀ mùŋ naŋ nyiŋ wa yɛmɛ̀ lɛ wɔŋ toò gbeeɔ̀ dìmɛ̀.”

Hiɓu 8:5 ပူးပေါင်းရင်းမြစ်များ

Maafiù 2:12

Yèè wo màìkà Dayàa naŋ kìɛ̀ŋ anyuùŋ kɛ̀ɛ̀jii nyàŋ e go e gɔagòo sùà kɛ̀ ɓɔ̀ àŋ kɛɛ̀ ɓɛìŋ kòɓɛ̀ Hɛɛlɔ̀i, yèè àŋ naŋ wa ɓèmè ke dòmaŋ joo àŋ naŋ kɔ̀ fuɔŋ nyiŋ.

Nyɛ̀nɛ̀ŋ 7:44

Wo Siiwììŋ naŋ wa ɓɛìŋ woò wààŋ, “Aŋ nèwàènèwe wi nyàŋ kuwa wa ke Vààyà mìè sèì Dayàa, ke yèɛ naŋ wa tɔɔ̀ kɛ̀ wo Dayà kòò wò yaà nyiìŋ nèè tɛɛ ke fòùngà e diì wòaà sùà. Kè naŋ wa nɔ̀ŋ bàne nyiŋ màànààŋ wo Dayà naŋ wòò wo Mòòze, e kìlà kè naŋ wa tèènè ke yèɛ wo Mòòze naŋ wa yɛmɛ̀ e teengaà wò yaà wa wɔŋ tolòɔ dìmɛ̀ lɛ.

Kòlo 2:17

Maŋ keì mɛɛ̀ŋ gbiŋ yaà nɔŋ wɔ̀ŋ mììmììŋ maŋ keì maŋ do nàŋ kaaìŋ maŋ. Kɛɛ e kɛnɛɛ̀ nàŋ yaà ke kpùnàŋ Jisɛ̀ Kulaìɛ.

Hiɓu 10:1

Maŋ Sàwà maŋ wo Dayà naŋ wa kìɛ̀ŋ aŋ Juùù nyaŋ màŋ, màŋ yaà mààŋ wɔŋ mììmììŋ manɛ̀ŋ kɛnɛ màŋ do nàŋ hnè maŋ. Maŋ sàwà miiŋ nàŋ fè wa mànɛ̀ŋ kɛnɛ màŋ gbiŋ wò Dayà naŋ wa jɔ̀ɔ̀ e ɗààhiì wèè wo kiɛ̀ŋ maŋ. Àŋ gè maŋ saaà mɛɛ̀ŋ pɛɛpɛɛ ke ɗɔɔ gbiŋ yèè wɔŋ doa gbiŋ. Kpeiŋ, dièsɔa anyùùŋ nyaŋ hnàŋ koɓɛ̀ Dayài nyàŋ naŋ ɓɛ̀nɛ̀ŋ nɔ̀ŋ zɛ̀nɛŋ nyiŋ nààŋ àŋ kuwo maŋ sàwà maŋ naŋ tɔ̀ɔ̀ e ɗewe kiiɛ̀ àŋ gè maŋ saaà mɛɛ̀ŋ lɛ?

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 13:10

Aŋ sìèfèìŋ zòòlo nyàŋ zoolà ko sààŋ zòòlò aŋ Juùù nyaŋ, aŋ kuwà e gààaŋ wèè aŋ jè mànɛ̀ŋ jè saaà bà gbiŋ è yìwìà wɔ̀ŋ gbɛ̀gbɛ̀ zòòlo wiɔ̀ diɛŋ.

Hiɓu 9:9

Tɛɛ̀ gbiŋ è yaà wɔŋ miimiiŋ wèè e yèɛ yaà e sɛmɛmaŋ niŋ lɛ̀ e teenga lɛɛ̀ sùà nàaŋ. Tɛɛ̀ naŋ tɔɔ̀ kɛ̀ manɛ̀ŋ kìɛŋ màŋ yaà maŋ ɗolònɛ̀ŋ maŋ àŋ giiyà saaà maŋ koɓɛ̀ Dayài fè ɓɛ̀nɛ̀ŋ nyɛ̀nɛ̀ŋ kè jìì wò nyuùŋ zòòloɔ̀ ke zɛ̀nɛ̀ŋ.

Maŋ kèì nyɛɛnɛŋ 15:5

Eɓìèmàŋjɛ̀wɛ̀ tɛɛ̀, mìŋ naŋ yɛ̀mɛ̀ ke Saaŋ Zòòlò Dayàa ko àìjɛnɛ̀ŋ kè yaà yìle, yaà ko Nɛ̀nɛ̀ŋ Nɛɛmaŋ Gbeeì ke yèɛ naŋ kiɛ̀ŋ mìè seì kɛ̀ wo Dayà kòò wò yaà fɛɛ̀feìŋ.